Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэл бэлтгэн хүргэдэг Барилга МН сэтгүүлийн 7-р сарын дугаар хэвлэгдэн гарлаа. 

Энэ сарын дугаарын нүүр хуудсанд Ремикон ХК хамтран ажиллалаа. 

182 дахь дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн VIP ярилцлагадаа барилгын салбарт 40 орчим жил ажил мэргэжил, амьдралаараа холбогдож яваа NCD Precon ХК-ийн гүйцэтгэх захирал, Зөвлөх инженер Д.Энхтүвшнийг урьж ярилцлаа. Тэрээр Монгол Улсын томоохон бүтээн байгуулалтад гар бие оролцохын зэрэгцээ угсармал барилгын технологийг эх орныхоо цаг уурын нөхцөлд тохируулан хөгжүүлэх, барилгын норм нормативыг сайжруулах, шинэ залуу боловсон хүчин бэхжүүлэх чиглэлд ажиллаж байна.  

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Сангийн далай хийд” VII хэсгийг хүргэж байна. 

ХОТ ТӨЛӨВЛӨЛТ

Орчин үеийн хотуудын хөгжил хүн төвтэй, тэгш хүртээмжтэй, байгаль орчинд ээлтэй байх зарчимд тулгуурлан хот төлөвлөлтийн шинэ загваруудыг эрэлхийлж байгаа бөгөөд "20 минутын хот" концепцыг дэлхийн олон хот хэрэгжүүлж байна. 

Улаанбаатар хот агаарын бохирдолтой, түгжрэлтэй, эмнэлэг, сургууль, цэцэрлэг хүртээмжгүй зэрэг олон асуудал тулгарч буй бөгөөд үүнийг шийдвэрлэхийн тулд "20 минутын хот” концепцыг хэрэгжүүлэхээр төлөвлөж байгаа билээ. Олон улсын жишээ болон хэрэгжүүлэхээр төлөвлөж буй концепцын талаарх мэдээллийг нэгтгэн бэлтгэлээ. 

АРХИТЕКТУР ДИЗАЙН: 

Япон улсын Осака хотын Юмешима арал дээр байрлах олон янз байдлын нэгдэл буюу хэл соёл, орчин, үзэл бодол өөр өөр байж болох ч хүмүүсийн хооронд эв нэгдэл, хамтын ажиллагаа оршиж буй хэмээх үзэл санаа илэрхийлсэн хамгийн том модон байгууламж хэмээн Гиннесийн номд бичигдсэн  “Grand ring”- ийн талаар хүргэж байна. 

 СУДАЛГАА

Өндөр барилга байгууламж нь эдийн засгийн хөгжил, хотын дэд бүтцийн шинэ шатанд хүрснийг илтгэх үзүүлэлт төдийгүй тухайн нийгмийн хөрөнгө оруулалтын итгэлцэл, ирээдүйн хүлээлтийн илэрхийлэл гэж үздэг байна. Тэгвэл 2000-2025 оны хооронд өндөр барилга барьсан хугацаа болон тухайн үеийн эдийн засгийн үзүүлэлтүүдийн хоорондын хамаарлыг тодорхойлох зорилготой “Монгол дахь өндөр барилгын индекс ба эдийн засгийн мөчлөгийн хамаарал” судалгааг Барилга МН сэтгүүлийн 182 дахь дугаараас уншаарай.    

МИНИЙ ТҮҮХ 

Барилгын салбарт их дээд сургууль төгссөн мэргжилтэн гэхээс илүү ажлыг багаас нь эхлэн хийж сурсан мэргэшсэн хүн олон бий. Барилгын салбарт анх бригадын тогоочоор ажилд орж дотор гаднагүй бүх ажилд суралцсаар 15 жил болж буй хөдөлмөрч нэгэн бүсгүйн түүхийг сонирхуулъя. 

СУДАЛГАА 

Сүүлийн 10 жилийн хугацаанд 184,2 мянган айлын сууц бүхий орон сууц ашиглалтад орсон ба 2024 онд 19,8 мянган айлын 1,8 сая м2 талбай бүхий орон сууцны барилга ашиглалтад оруулжээ. Нийслэл болон улсын хэмжээнд сүүлийн жилүүдэд ашиглалтад орсон орон сууцны нийлүүлэлт ба үнийн судалгааг уншина уу. 

МЭРГЭЖИЛТНИЙ ҮГ 

Хөрсний ус тусгаарлах ажлыг барилгын зураг төслийн үе шатнаас эхлэн ашиглалтад орох хүртэлх бүхий л үе шатанд мэргэжлийн байгууллагаар хяналт тавиулж ажил гүйцэтгүүлснээр дараа нь гарах олон эрсдэлээс урьдчилан сэргийлнэ. Манай улсын цаг уур, хөрсний онцлогт тохируулан хэрхэн хөрсний ус тусгаарладаг талаар мэргэжилтний бэлтгэсэн мэдээллийг Барилга МН сэтгүүлийн 182 дахь дугаараас уншина уу. 

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших:

Утас: 9100-0233, 7711-3333