1. "Guard dog"  – талбайн хамгаалагч

Их Британи, Австрали зэрэг орнуудад барилгын талбайн хамгаалалтын үүрэгт тусгай сургалттай нохой ажиллуулдаг байна. Тэдгээр нохойнууд машин, тоног төхөөрөмжийн хулгайгаас сэргийлэх, хориотой бүс рүү нэвтрэхийг хянах үүрэгтэй ажилладаг байна.

2. “Foreman dog"– талбайн ахлах ажилтан

Reddit сайтад нийтлэгдсэн нэгэн хөгжилтэй бөгөөд сэтгэл хөдөлгөм түүхэнд барилгын талбайн ажилчдын өдөр бүрийн амьдралын нэг хэсэг болсон нохойн тухай өгүүлжээ. Энэ нохой өдөр бүр ажилчидтай хамт ирж, талбайн уур амьсгалд дулаан өнгө нэмдэг.

Ажилчид түүнд тусгайлан зориулж жижиг химийн гэрэлтдэг хамгаалалтын цамц, заримдаа бүр хатуу малгай өмсгөдөг бөгөөд түүнийг тоглоомоор “талбайн ахлагч” гэж нэрлэжээ.Энэ нь зөвхөн инээд, хошигнол төдий биш, харин ч хүмүүсийн сэтгэл санааг өргөж, хамт олны уур амьсгалыг эерэг байлгахад чухал нөлөөтэй гэжээ

3. Робот “нохой” — Spot

Boston Dynamics-ийн бүтээсэн Spot нэртэй робот нохой нь барилгын салбарт жинхэнэ инспектор болон танигдаад байна. Технологийн дэвшлийг шингээсэн энэхүү дөрвөн хөлт робот Канад, АНУ, Их Британи зэрэг улсуудад барилгын явц, чанарын хяналт, аюулгүй байдлыг шалгах, мөн 3D скан хийх зэрэгт өргөнөөр ашиглагдаж байна.

Spot нь автомат замын зураглал дээр үндэслэн тогтмол маршрут даган хөдөлдөг бөгөөд тухайн талбайн өөрчлөлт, аюул, дутагдалтай хэсгүүдийг илрүүлж, өгөгдлийг хадгалж, шинжилгээнд бэлтгэж, инженерүүд талбай дээр очих шаардлагагүйгээр алсаас ажиглалт хийж, барилгын чанар, аюулгүй байдлыг бодит цагийн мэдээллээр хянах боломжтой болсон юм.

4. “Сэтгэл зүйн туслагч” нохой

Саффолк дахь нэгэн барилгын талбай дээр Labrador үүлдрийн нохой ажилчдын сэтгэл санааг дэмжих, уур амьсгалыг зөөлрүүлэх зорилготойгоор байнга ирдэг болсон байна. Энэхүү нохой нь барилгын хүнд орчинд ажиллаж буй хүмүүст хань болж, стресс, ядаргааг тайлахад тусалдаг аж. Өдөр бүр уулздаг эерэг “хамтрагч” нь багийн уур амьсгалд  тайван, эерэг энерги нэмж өгдөг нь судалгаа, ажиглалтаар ч батлагдсан. Түүнийг зөвхөн нохой гэхээс илүүтэй, хамт олны сэтгэлийн дэмжлэг үзүүлэгч гишүүн хэмээн ажилчид үздэг болсон байна.