ШИНЭ ОРОН СУУЦНЫ үнэ өмнөх оны мөн үеэс 14.3 хувиар, өмнөх сараас 1.0 хувиар тус тус өссөн байна
"Барилга МН" сэтгүүлээс сар бүр хүргэдэг ШИНЭ ОРОН СУУЦНЫ үнийн индекс хүргэж байна. 2025 оны 5 дугаар сард 1.29 болж, өмнөх оны мөн үеэс 14.3 хувиар, өмнөх сараас 1.0 хувиар тус тус өссөн байна. Орон сууцны насжилтаар авч үзвэл, шинэ орон сууцны үнэ өмнөх оны мөн үеэс 13.0 хувиар, өмнөх сараас 1.0 хувиар, хуучин орон сууцны үнэ өмнөх оны мөн үеэс 15.3 хувиар, өмнөх сараас 1.1 хувиар тус тус өссөн байна.
2025 оны 5 дугаар сард шинэ орон сууцны 1 метр квадрат талбайн дундаж үнэ 4.55 сая төгрөг болж, Сүхбаатар дүүрэгт хамгийн өндөр буюу 5.49 сая төгрөгийн үнэтэй байна. Шинэ орон сууцны дундаж үнэ өмнөх оны мөн үетэй харьцуулахад Сүхбаатар дүүрэгт 37.3 хувь (1488.9 мянган төгрөг)-аар өссөн нь хамгийн өндөр, Баянгол дүүрэгт 3.0 хувь (124.9 мянган төгрөг)-аар өссөн нь хамгийн бага байна.
2025 оны 5 дугаар сард хуучин орон сууцны 1 метр квадрат талбайн дундаж үнэ 4.57 сая төгрөг болж, Сүхбаатар дүүрэгт хамгийн өндөр буюу 5.57 сая төгрөгийн үнэтэй байна. Хуучин орон сууцны дундаж үнэ өмнөх оны мөн үетэй харьцуулахад Чингэлтэй дүүрэгт 22.7 хувь (998.0 мянган төгрөг)-аар өссөн нь хамгийн өндөр, Сонгинохайрхан дүүрэгт 11.4 хувь (311.1 мянган төгрөг)-аар өссөн нь хамгийн бага байна.
Та эдгээр орон сууцнуудын дэлгэрэнгүй мэдээллийг Barilga.mn сайтын “Шинэ орон сууц” цэсээс үзэх боломжтой ЭНД ДАРНА УУ
Тус мэдээллийг зохиогчийн зөвшөөрөлгүй хуулбарлан олшруулахыг хориглоно
Барилга МН сэтгүүл захиалах
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.