Сэлбэ дэд төвийн орон сууцны тендерийн багцыг хуваахаар шийдвэрлэлээ
НЗДТГ- аас Сэлбэ дэд төвийн багц тендерийг хуваан дотоодын компаниудыг оролцуулахаар зургаадугаар сарын 25-нд шийдвэрлэлээ. Тодруулбал, Нийслэлийн Худалдан авах ажиллагааны газраас зарласан Сэлбэ дэд төвийн орон сууцны иж бүрэн цогцолбор хорооллын бүтээн байгуулалтын тендерт ганц ч Монгол компани оролцох боломжгүй нөхцөл тавин Төрийн хэмнэлтийн тухай хуулийн дагуу 2025.05.31-ны өдрийн дотор яаран тендер зарлаж байгаа нь гадаадын компаниудад давуу нөхцөл бүрдэж, дотоодын эдийн засаг, үндэсний компаниудын оролцоо хязгаарлагдах эрсдэл үүсгэж байна хэмээн МБҮА ТББ-ын Гүйцэтгэх захирал Г.Батсүх Үндсэн хуулийн цэцэд гарган Үндсэн хуулийн дунд суудлын цэц шийдвэрлэхээр болсон. Тэгвэл НЗД- ын нэгдүгээр орлогч Т.Даваадалай, Сэлбэ хорин минутын хот корпорац ХХК-ийн Гүйцэтгэх захирал У.Баатар, МБҮА ТББ-ын Гүйцэтгэх захирал Г.Батсүх, МБНХ-ны Ерөнхийлөгч Ч.Наранбаатар нар өнөөдөр /2025.06.25/ хэвлэлийн бага хурал зарлан үндэсний компаниудыг дэмжиж дотооддоо нэмүү өртөгөө шингээх үүднээс тендерийн бичиг баримтдаа ажиллах хүчин 40%, машин техник 30% гэх мэтээр квот тогтоон 45 багцаас бүрдэх тус төслийн 3-4 багцыг 5 болгон хувааж, 20-45 дахь багцуудад дотоодын аж нэгжүүдтэй хамтран ажиллахаар болсноо мэдээллээ.
Хэвлэлийн бага хурлын үеэр МБҮА ТББ- ын Гүйцэтгэх захирал Г.Батсүх, "бидний хувьд салбарын гишүүдийнхээ эрх ашгийг хамгаалах, эрх зүйн дэмжлэг туслалцаа үзүүлж ажилладаг. Өнгөрсөн хугацаанд бид Нийслэлийн Түгжрэлийн нэгж, Нийслэлтэй санамж бичиг байгуулж ажиллахаас гадна хэрэгжүүлж буй төслүүдэд Фидик-ийн гэрээний зарчмаар ажиллах, ажиллах хүчнийг мэргэшүүлэх тал дээр хамтран ажиллаж байсан. Өнгөрсөн хугацаанд хийсэн энэ их ажлуудын үр дүн гарч, гаргасан шийдвэрээ цуцлан тендерийн багцыг хувааж байгаад баяртай байна" гэлээ.
Холбоотой мэдээ
Ачааллаж байна ..
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.