Дэлхий даяар өндөр түвшний, дэвшилтэт машин механизмын эрэлт нэмэгдэж буйтай холбоотойгоор хүнд даацын барилгын тоног төхөөрөмжийн зах зээлд томоохон өөрчлөлт шинэчлэлт авчирч, огцом хөгжих төлөвтэй байна. 

MarketsandMarkets хэмээх олон улсын зах зээлийн судалгааны компаниас гаргасан "Хүнд даацын барилгын тоног төхөөрөмжийн зах зээлийн судалгаа"-ны тайланд, газар шорооны ажил гүйцэтгэх тоног төхөөрөмж, материал зөөвөрлөх машин механизм, хүнд даацын тээврийн хэрэгслийн зах зээлийн хувьсал, хандлагын талаар дэлгэрэнгүй дүн шинжилгээ хийсэн бөгөөд 2030 он хүртэлх зах зээлийн төлөв байдлыг тусгасан байна. Барилга, дэд бүтцийн салбарт оруулж буй их хэмжээний хөрөнгө оруулалт, технологийн өсөлт хөгжил зэргээс шалтгаалан уг салбарын өсөлт нэмэгдэх хандлагатай байна. 

Зах зээлийн төлөв байдлаас үзэхэд 2025 онд 224.49 тэрбум ам.доллараас 2030 он гэхэд 286.51 тэрбум ам.долларт хүрч, жилд дунджаар 5.0%-ийн нийлмэл өсөлтийн хурдаар өсөх төлөвтэй байна.