“Дэлхийн хөгжлийг Монголд” уриан дор зохион байгуулагдаж буй  “Барилга Экспо-2012” олон улсын үзэсгэлэн яармаг өнөөдөр мишээл экспо төвд  нээлтээ хийлээ. Тус үзэсгэлэнд дотоодын шилдэг компаниудаас гадна Польш, Турк, Хятад, Солонгос, Япон, Чех, Тайвань зэрэг 12 орны 100 гаруй компаниуд оролцож байгаа юм. Үзэсгэлэнг Барилга хот байгуулалтын сайд Ц. Баярсайхан нээж үг хэллээ. Тэрбээр “Барилга Экспо-2012” олон  улсын үзэсгэлэн Монголын барилгын салбарын хөгжлийг том томруун харуулж болохуйц томоохон үйл ажиллагаа болж байгааг онцлоод  чанартай, хариуцлагтай бүтээн байгуулалт, гадаад дотоодын шилдэг компаниудтай хамтран ажиллах  боломж бололцоог энэ үзэсгэлэн олгож  байгаагаараа давуу талтайг нэмж хэллээ.

 “Барилга Экспо-2012” олон улсын үзэсгэлэн яармагаас дэлхийд алдартай брэнд гэсэн материал бүтээгдэхүүнийг үзэж сонирхохоос гадна бизнесийн түншээ олох ховорхон боломжуудыг олгож байна. Мөн барилгын салбарт үйл ажиллагаа явуулж байгаа аж ахуйн нэгж, компаниуд хэрэглэгчдэд зориулсан бараа бүтээгдэхүүний сургалт, танилцуулага, бизнес уулзалтууд энд өрнөх юм.

Ингэснээр  барилга, хот байгуулалтын олон зуун жилийн түүхтэй хөгжингүй орнуудын туршилга, техник технологийг нэвтрүүлж, хүлэмжийн хий, агаарын бохирдлыг бууруулах, Монгол  хүний эрүүл, аюулгүй орчинд амьдрах нөхцлийг бүрдүүлэхэд ихээхэн түлхэц болж байна.

Үзэсгэлэн яармагын үеэр компаниуд хямдрал урамшууллыг зарлаж байна. Жишээ нь: Кусацу Принт, Эс Девелопмент, Термигас, Техтоник, IDM DIOS, Роял хаус, Инэл констракшн, Заг, Апрель зэрэг компаниуд 5-20 хувийн хямдрал зарласнаас гадна бусад бүхий л компаниуд тодорхой хэмжээний урамшуулал  зарласан нь иргэдэд ихээхэн таалагдаж байлаа. Мөн орон сууцны зээл лизингэд хамрагдах хүсэлтэй иргэдэд “Голомт банк” орон сууцны зээлд хамрагдахахад нь түргэн шуурхай үйлчилж бүх боломжийг газар дээр нь олгож байна.
Ирэх амралтын өдрүүдээр үргэлжилэх тус үзэсгэлэнг  зорьж нэг дороос өөрт хэрэгтэй бүх зүйлээ хямдралтай үнээр худалдан авах, байр линзингийг цогц үйлчилгээг авах бүрэн боломжтой юм.