МБҮА ТББ нь дэргэдээ “Барилга, дэд бүтцийн олон улсын арбитр”-ыг байгуулсан бөгөөд Арбитрын нээлтийн үйл ажиллагаа болон сонгон шалгаруулалтад тэнцсэн арбитрчдыг томилж, АРБИТРЧИЙН ТАНГАРАГ ӨРГҮҮЛЭХ ЁСЛОЛ-ын арга хэмжээг 2025.06.04-ний өдөр “Holiday Inn” зочид буудалд зохион байгууллаа.

Тус арга хэмжээнд МБҮА ТББ-ын Гүйцэтгэх захирал Г.Батсүх, Барилга, дэд бүтцийн олон улсын арбитрын УЗ-ын дарга Б.Баасансүрэн, БХТ ТӨҮГ-ын захирал Т.Пүрэвхатан болон бусад Удирдах зөвлөлийн гишүүд, салбарын төрийн бус байгууллагын удирдлагууд, ахмад барилгачид хүрэлцэн ирж талархал илэрхийллээ. 

Монгол Улсад барилгын үйл ажиллагаатай холбоотой гэрээ, эрх зүйн орчин олон улсын түвшинд хүрч, барилгатай холбоотой дуусдаггүй хэрүүл, маргаан шүүхээр дамжин удааширдаг үйл явцыг цэгцлэх үүднээс МБҮА ТББ нь дэргэдээ “Барилга, дэд бүтцийн олон улсын арбитр”-ыг бий болголоо.

Ингэснээр салбартай холбоотой элдэв маргаантай асуудлуудыг богино хугацаанд шийдвэрлэж гэрээний маргаан үүсэх, нөхцөлийг бууруулж, барилгын төслийг төлөвлөгөөт цаг хугацаанд нь багтааж дуусгах, талуудын аль аль талд хор хохирол багатайгаар, цаг хугацаа болоод эдийн засгийн хувьд хэмнэлттэй байдлаар шийдвэрлэх боломжтой болох юм.