Барилгын салбарын өдөр тутмын үйл ажиллагаанд хүнд даацын тоног төхөөрөмж, барилгын материал зөөвөрлөх, инженер техникийн ажилтнуудыг талбайд тээвэрлэх зэрэг олон төрлийн тээвэрлэлтийн хэрэгцээ тулгардаг. Энэ шаардлагыг хангахын тулд замын бартаа саадыг үл ажрах чадвар, ачаа болон хүний аюулгүй, найдвартай тээвэрлэлтийг хослуулсан олон зориулалтын пикап ангиллын тээврийн хэрэгсэл чухал үүрэг гүйцэтгэдэг.

Пикап загварын автомашины үйлдвэрлэл, инженерчлэлээрээ Япон, АНУ улс дэлхийд тэргүүлдэг бөгөөд Nissan Navara, Ford Ranger, Mitsubishi L200, Isuzu D-max зэрэг машинууд технологийн дэвшил, бат бөх хийцээрээ өрсөлддөг. Эдгээрээс олон улсын зах зээлд барилгын салбарт хамгийн тохиромжтой гэдгээрээ Nissan Navara D23 нэр хүндтэй бөгөөд бартаат зам туулах чадвар, дэвшилтэт технологи, тав тух, аюулгүй байдал, ашиглалтын зардлын хэмнэлтээрээ ижил ангиллын машинуудаасаа онцгойрдог. 

Хүснэгт 1. Nissan Navara D23 - ийн техникийн үзүүлэлт

Бат бөх явах анги ба бартаат замын “хаан” 

Ихэнх барилгын талбай нь тэгш бус рельеф, бартаа саад ихтэй, шаварлаг хөрстэй орчинд байрладаг. Барилгын ийм нөхцөлд тохируулан Nissan Navara нь техникийн шийдэл, ухаалаг туслах системүүдийг хөгжүүлж, бат бөх хийц, тогтвортой явдал, аюулгүй жолоодлогыг хослуулж чадсан. Тодруулбал,

• Урд тэнхлэг нь давхар гар бүхий тэнцвэржүүлсэн хийцтэй, арын тэнхлэг нь сайжруулсан ган пүршний системтэй тул бартаат зам, шаварлаг хөрстэй орчинд тогтвортой явдал, найдвартай жолоодлогыг хангадаг. Түүнчлэн зорчигчдод суудлын автомашины түвшний тав тухыг мэдрүүлдэг төдийгүй ачааны хүнд даацыг жигд хуваарилан тэнцвэрээ хадгалах шийдлийг бий болгосон. Энэ нь Navara-г зүгээр нэг ачааны машин биш, жинхэнэ олон зориулалтын ухаалаг тээврийн хэрэгсэл болгодог.

• Мөн газраас тэнхлэг хүрэх зай 230 мм өндөр учраас автомашины доод хэсэг хад асга, ховилтой зам, шавар, устай замыг саадгүй туулах боломжийг бүрдүүлдэг. Үүгээрээ ижил ангиллын олон өрсөлдөгчөөсөө давуу талтай.
• Элс, шавар, гулгамтгай болон тогтворгүй хөрстэй барилгын талбайд саадгүй ажиллах 4WD буюу бүх дугуйгаар зэрэг хөтлөх системтэй. Энэ нь хөдөлгүүрийн хүчийг урд болон хойд тэнхлэгт жигд хуваарилснаар бүх дугуй зэрэг эргэлдэн, бартаат замд гацах, хүч алдах эрсдэлийг бууруулдаг.
• Мөн жолооч нь тухайн орчны онцлогт нийцүүлэн горимоо сонгох боломжтой бөгөөд 2WD горим нь хотын болон хатуу хучилттай замд зориулагдсан, түлш зарцуулалтад хэмнэлттэй, 4LO горим нь огцом өгсүүр, хад чулуу ихтэй, шавартай замд тохиромжтой байдаг. 

Аюулгүй байдал ба ухаалаг жолоодлогын технологи

Nissan Navara - ийг өрсөлдөгчдөөс нь ялгаруулдаг чухал үзүүлэлт бол аюулгүй байдал болон ухаалаг жолоодлогын технологи юм. Онцолбол, 

• ABS буюу тормозны систем нь гэнэт тормозлох үед дугуй түгжихээс сэргийлж, жолоодлогын хяналтыг хадгалдаг 

• EBD + BA + VDC тормозны дэмжих системүүд нь  гэнэт тормозлох үед ачааллыг жигд хуваарилж, тормозыг  автоматаар тохируулах бөгөөд хальтаргаа, огцом эргэлтийн үед машиныг хажуу тийш гулгах, тэнцвэр алдах эрсдэлийг багасгадаг 
• Hill descent control систем буюу өндөр газар руу өгсөх болон уруудахдаа гулсахгүйгээр хурд барих боломжтой ба ямар ч замд аюулгүй жолоодоход тусалдаг 
• Жолооч болон зорчигчийн SRS ослын дэр буюу хүчтэй цохилт, ослын үед ухаалаг, хурдан хариу үйлдэл үзүүлдэг хамгаалалтын технологитой 
• 360° хянах камерын систем нь 8” - ийн бүрэн өнгөт дэлгэцний тусламжтайгаар ухрах болон эргэн тойрны орчныг хянаж, барилгын нарийн талбайд ч үйлдлийг хялбар гүйцэтгэхэд тусална. 
• Замын зурвас мэдрэгч нь анхаарал суларсан үед замаасаа гарах эрсдэлийг мэдрүүлж, осол гарахаас сэргийлнэ
• Сохор бүсийн мэдрэгч буюу  гэнэт ойртож ирэх аюулын хөдөлгөөнийг хянаж, ослоос урьдчилан сэргийлдэг.
• Гялбааны хамгаалалттай голын толь нь автоматаар гэрлийг бууруулж, жолооч хойд талаа харахад хялбар болгож өгсөн. 

Эдгээр хэрэглээнд суурилсан ухаалаг техникийн шийдэл нь Navara-г зөвхөн тээвэрлэх хэрэгсэл бус, барилгын талбайн ажлын гол туслагч болгодог.

Ачааны даац ба чирэх чадвар

Nissan Navara D23 нь пикап ангилалдаа ачааны даац болон чирэх чадварын хувьд тэргүүлэгч загваруудын нэгт тооцогддог. Тэвшин дээрээ 1 тонн хүртэлх жинтэй ачаа (цемент, арматур, мод, төмөр, тоног төхөөрөмж … гм) тээвэрлэдэг төдийгүй арын тэвшинд багтаагүй бол чиргүүлээр зөөвөрлөх  боломжтой. Тоормозтой чиргүүл нь 3.5 тонн хүртэлх, тоормозгүй чиргүүл нь 720 кг хүртэлх жинтэй ( контейнер, барилгын хүнд тоног төхөөрөмж … гм)  хүнд даацын ачааг зам, талбайн нөхцөлөөс үл хамааран зөөвөрлөхөд зориулагдсан.

Бат бөх тэвш ба ачаа бэхэлгээний шийдэл

Пикап ангиллын автомашинд хамгийн өндөр шаардлага тавигддаг үндсэн элементүүдийн нэг бол тэвшний бат бөх байдал болон ачааны бэхэлгээний найдвартай шийдэл юм. Nissan Navara - ийн тэвш нь ган материалаар хийгдсэн бөгөөд зэврэлтээс хамгаалах тусгай бүрхүүлтэй тул чийглэг, шаварлаг орчинд удаан хугацаанд эдэлгээ даах чадвартай. Тэвшний хажуу болон арын хэсэгт байрлах олон цэгийн бэхэлгээний гогцоо, чиглүүлэгчүүд нь ачааг тэнцвэртэй, хөдөлгөөнгүй бэхлэх боломжийг олгодог. Энэ нь ялангуяа бартаат зам, өгсүүр налуу, гулгамтгай хөрстэй нөхцөлд ачаа хөдөлж, тэнцвэр алдах эрсдэлээс сэргийлнэ.

Мөн Navara-ийн хүнд даацын рамын хийц нь хэт ачаалал, гэнэтийн доргилт, огцом эргэлтэд тэсвэртэй тул ачаа болон тээврийн хэрэгслийн тогтвортой байдлыг хангадаг.

Та тухтай салон ба хос зориулалттай машин 

Ихэнх пикап ангиллын машинууд нь аж ахуйн зориулалттай ашигладаг учраас хатуу ширүүн мэдрэмж төрүүлэхүйц салонтой байдаг. Энэ жишгийг Nissan Navara эвдэж, бат бөх явах анги, даацын бүтцээс гадна SUV ангиллын автомашинд тавигдах тав тух, жолоодлогын мэдрэмжийг хослуулсан. Энэхүү шийдлээрээ ижил ангиллын автомашинуудаас онцгой юм. 

Double Cab буюу таван хүний багтаамжтай бөгөөд барилгын баг, инженер техникийн ажилтнуудыг ажлын талбай руу хол, бартаатай замаар ая тухтай, аюулгүй тээвэрлэхэд тохиромжтой. Зорчигчийн тав тухыг дэмжих нэмэлт тоноглолуудыг шийдэж өгсөн. Тухайлбал, 

• Арын өргөн, тохилог суудлууд
• Хойд эгнээний зорчигчдод зориулсан тусдаа агааржуулалтын систем
• Bluetooth холболт бүхий мультимедиа систем
• USB, AUX оролт бүхий олон төрлийн холболтын сонголт … гэх мэт 

Эдийн засгийн үр ашиг ба ашиглалтын зардал хэмнэлт

Nissan зардлын хэмнэлт дээр онцгой анхаарч ажилладаг ба Navara - ийн бүхий л загварт ашиглалтын зардлыг хэмнэх шийдлүүдийг стандарт болгон хэрэгжүүлдэг. Navara D23- ын тухайд, 

• Олон зориулалтаар ашиглах боломжтой ба нэг машинд ачаа болон хүн тээвэрлэлтийг хослуулснаараа тусдаа ачааны машин, ажилчдын микроавтобус зэрэг туслах тээврийн хэрэгслийн хэрэгцээг бууруулна.
• Удаан эдэлгээтэй пүрш, ган рам, антикор бүрхүүлтэй тэвш гэх мэт бат бөх хийц, элэгдэлд тэсвэртэй эд ангиуд нь засвар үйлчилгээний давтамжийг багасгаж, ашиглалтын зардлыг бууруулдаг. Баталгаат хугацаа 3 жил буюу 100 000 км хүртэл байдаг ба сэлбэгийн олдоц сайн, засвар үйлчилгээний зардал дунджаас бага байдаг. 
• Navara D23 нь замын нөхцөлөөс хамааран 100 км тутамд 9 орчим литр шатахуун зарцуулдаг ба түлш зарцуулалтын хэмнэлттэй хөдөлгүүр нь урт хугацааны үйл ажиллагааны зардлыг бууруулдгаараа онцлог. Барилгын талбайд ажилладаг тусгай зориулалтын ачааны машинтай харьцуулахад 20–30% бага түлш зарцуулалттай.

Монгол Улсын хувьд авто зам муу, тоос шороо, замын чичиргээ ихтэй учраас машин богино хугацаанд эвдрэлд ордог. Түүнчлэн цаг агаарын эрс тэс уур амьсгалтай учраас өвлийн хүйтэнд найдвартай асах дизель хөдөлгүүр,  -30 хэмд зорчигчийн тав тухыг алдагдуулахгүй байх халаалт, +30 хэмд ч сэрүүцүүлэх агааржуулалтын систем хэрэгтэй. Мөн барилгын хүнд нөхцөлд тохиромжтой бат бөх хийц, ачааны даац сайтай, аюулгүй байдлыг хангасан, орчин үеийн ухаалаг машин шаардлагатай болж байна.  Энэ бүх шаардлагад нийцэх сонголт бол яалт ч үгүй Nissan Navara D23 юм. 

Энэхүү машиныг Nissan брэндийн Монгол дахь албан ёсны төлөөлөгч болох Моннис Моторс компани Монголын зах зээлд санал болгож байгаа бөгөөд үнэ, чанарын харьцаагаараа Монголын зах зээлд хамгийн тохиромжтой сонголтуудын нэг юм. 

Монгол орны бартаат зам, уур амьсгал, барилгын нөхцөлд бодитоор туршигдсан Nissan Navara D23 таны бизнесийн найдвартай, олон талын түнш болно гэдэгт итгэлтэй байна. 

Холбоо барих: 7585 1111

Мэйл хаяг: Nissan_sales@monnis.com

Танилцуулга линк: https://www.monnismotors.mn/navara

Албан ёсны сайт: https://www.monnismotors.mn/