Харвардын их сургуульд гадаадын оюутнуудыг элсүүлэн суралцуулахыг хориглох шийдвэрийг Д.Трампын засаг захиргаа гаргасан тухай Нью-Йорк Таймс сонин мэдээлжээ. 

Өнөөдөр тус сургуульд 140 улсын 7 мянга орчим оюутан суралцаж байгаа нь нийт оюутнуудын дөрөвний нэгээс илүү хувийг бүрдүүлж байна.  

Ингэснээр тус их сургуулиас АНУ-д нэвтрэх оюутны визийг олгоход шаардлагатай бичиг баримтуудыг гадаадын оюутнуудад олгох боломжгүй болно. Түүнээс гадна Харвардад одоо сурч буй гадаадын оюутнууд өөр их сургуульд шилжин суралцах ёстой бөгөөд эс бөгөөс АНУ-д оршин суух эрхгүй болохыг онцоллоо. 

Харвардын их сургуулийн захиргаанаас Трампын засгийн газрын шийдвэрийг “хууль бус, өш санасан шинжтэй” гэж тодорхойлсон байна. 

Трампын засаг захиргаа зөвхөн Харвард төдийгүй бусад 60 их сургуулийг “зүүний либерал үзэл суртлыг дэлгэрүүлж байна” хэмээн буруутгасан бөгөөд ойрын үед эдгээр сургуульд хязгаарлалт тогтоож магадгүй байна.