Хятадын 1375 онд баригдсан Фэнгьян Друм цамхагийн дээвэр хэсэгчлэн нуржээ. Энэхүү цамхаг нь Мин гүрний үеийн түүхэн дурсгалт барилга бөгөөд жилд 500,000 гаруй жуулчин хүлээн авдаг байна. 

Уг барилгын нурсан хэсэг нь 1995 онд галд өртсөн хэсгийг сэргээн барьсан хэсэг байсан бөгөөд анхны бүтцээс ялгаатай байжээ. Сэргээн засварын ажилд 400,000 ам.доллар зарцуулсан бөгөөд өнгөрсөн онд дээврийн засварыг мөн  хийсэн байжээ. 

Өнгөрсөн оны 12 дугаар сард хийсэн шалгалтаар анхаарал татсан ан цавууд илэрсэн ч ямар нэгэн арга хэмжээ аваагүй байна.

Орон нутгийн соёл, аялал жуулчлалын товчооноос, нурсан хэсэгт хүн бэртэж гэмтээгүй ч олон жуулчин айдаст автсан. Цамхагийн сэргээн засварын ажилд оролцсон байгууллагуудыг шалгаж, олон нийтэд дэлгэрэнгүй тайлбар хийхээ мэдэгдлээ. 

Төрийн хяналтад байдаг Yangcheng Evening News сонинд нэгэн гэрч "Плитаны уналт нэг хоёр минут үргэлжилсэн" гэж ярилцлага өгсөн бол хэрвээ энэ үйл явдал жаахан хожуу болсон бол (цамхагийн дэргэд) олон хүүхэд тоглож байх байсан." гэж төрийн мэдээллийн хэрэгсэл болох The Beijing News-т нийтэлжээ.