Барилгын салбар эрчимтэй хөгжиж, шинэ бүтээн байгуулалт өрнөхийн хэрээр орон сууц, оффис, үйлчилгээний барилгуудын хамгийн чухал, зайлшгүй сонголтын нэг нь цахилгаан шат болж байна. Барилгад ашиглагддаг гол машин механизмын нэг гэдэг утгаараа цахилгаан шат, урсдаг шат нь барилгын салбарт салшгүй холбоотой. Сүүлийн жилүүдэд цахилгаан шатны технологи эрчимтэй хөгжиж, олон төрлийн сонголт, шинэ системүүд бий болж, тасралтгүй сайжруулалт хийгдсээр байна.

2025 оны 4-р сарын 11–13-ны өдрүүдэд зохион байгуулагдсан “BARILGA EXPO-2025” олон улсын үзэсгэлэн яармагт 400 орчим дотоодын болон гадаадын байгууллагууд оролцож, өөрсдийн бүтээгдэхүүн, үйлчилгээг танилцуулсан. Энэ удаагийн үзэсгэлэн “Buildsmart” уриан дор зохиогдож, байгалд ээлтэй, ухаалаг шийдэл бүхий бүтээгдэхүүнүүдийг онцолсон нь онцлог байлаа.

Үзэсгэлэнд оролцогчдын дундаас хамгийн шилдэг бүтээгдэхүүн, үйлчилгээ бүхий байгууллагуудыг номинаци бүрээр шалгаруулсан бөгөөд “Шилдэг Ногоон Технологи Нэвтрүүлэгч”-ээр “Edunburgh Elevator Mongolia” компани шалгарсан нь тус компанийн байгальд ээлтэй, эрчим хүч хэмнэх шийдлүүдийг өндрөөр үнэлсний илрэл юм.

Edunburgh брэндийн цахилгаан шат нь тус компанийн өөрсдийн зохион бүтээж, хөгжүүлсэн инвертерийн ачаар эрчим хүчийг 70 хүртэл хувиар хэмнэх боломжтой. Энэ нь олон улсын IOS A+++ зэрэглэлийн буюу хамгийн өндөр эрчим хүчний хэмнэлтийн үнэлгээг авсан байна.

Edunburgh Elevator Group компанийн Ерөнхий менежер Виржиниа хэлэхдээ, энэхүү инвертер нь цахилгаан шат доош явах үедээ эрчим хүчийг хуримтлуулж, дээшээ явахдаа уг хуримтлуулсан эрчим хүчийг дахин ашигладаг ухаалаг технологитой болохыг онцолсон. Мөн тэд энэхүү системээ байнга сайжруулж, тасралтгүй хөгжүүлсээр байгаа аж.

Цахилгаан шатны цахилгаан зарцуулалт нь оршин суугчид болон ашиглагч байгууллагуудын төлбөр тооцоонд шууд нөлөөлдөг. Тиймээс эрчим хүчний хэмнэлттэй цахилгаан шат нь урт хугацаандаа эдийн засгийн хувьд ашигтай, үр дүнтэй сонголт болдог юм.

Edunburgh Elevator Mongolia компани “BARILGA EXPO-2025” үзэсгэлэнд оролцох үеэрээ зөвхөн цахилгаан шат, урсдаг шат төдийгүй автомашины автомат давхар зогсоолын систем-ийг танилцуулснаараа шинэлэг, анхаарал татсан оролцогчдын нэг байлаа.

Өнөөгийн завгүй, хурдтай амьдралын хэв маягт автомашингүйгээр өдөр тутмын амьдралыг төсөөлөхөд бэрх болжээ. Гэвч Улаанбаатар хотын түгжрэл, авто зогсоолын хомсдол нь бидний амьдралд тулгарч буй хамгийн нийтлэг асуудлуудын нэг болоод байна. Нийтийн тээвэр хангалттай хөгжөөгүй тул иргэдийн дийлэнх нь хувийн автомашин хэрэглэдэг болсон хэдий ч, очсон газар бүртээ зогсоолын асуудалтай тулгардаг нь нууц биш.

Энэ асуудлыг шийдэхэд хувь нэмэр оруулах зорилгоор Edunburgh Elevator Mongolia компани Монголын зах зээлд автомат давхар зогсоолын системийг анх удаа танилцуулж байна. Энэхүү ухаалаг зогсоолын систем нь Япон, Солонгос, Бээжин, Шанхай зэрэг томоохон хотуудад аль хэдийн амжилттай нутагшсан, өдөр тутмын хэрэглээ болсон шийдэл бөгөөд зай талбайг хэмнэж, зогсоолын хүртээмжийг нэмэгдүүлэх онцлогтой.

Хэрэв та Edunburgh Elevator Mongolia компанийн цахилгаан шат, урсдаг шат болон автомат зогсоолын системийн талаар дэлгэрэнгүй мэдээлэл авахыг хүсвэл дараах хаягаар бидэнтэй холбогдоорой.

Утас: 97082222

Facebook: Edunburgh Elevator Mongolia

Имэйл: info@edunburgh.mn

Брошур татах

Facebook page