“АМИНЫ ОРОН СУУЦ”  каталогийн 8 дахь цуврал хэвлэгдэн, уншигч, хэрэглэгчдэдээ хүрч эхэллээ. Бүхий л салбар "ногоон" хэв загварт шилжиж, ногоон санхүүжилтээр хөрөнгө оруулалтын эх үүсвэрийг удирдаж эхлээд байгаа энэ цаг үед иргэдийг Эрчим хүчний хэмнэлттэй амины орон сууц барихад төрөөс бодлогоор дэмжиж, хөнгөлөлттэй ногоон зээлээр үл хөдлөх хөрөнгөө барих боломж бий болоод байна. 

 Тиймээс барилгын салбарын төв хэвлэл болох БАРИЛГА МН сэтгүүлийн редакцын зүгээс цуврал катологийн энэ удаагийн дугаартаа барилгын эрчим хүчний "B" ангиллаас "А" ангиллын гэрчилгээтэй, Монгол архитекторуудын ур ухаанаар бүтээгдсэн мэргэжлийн төлөвлөлттэй, Монгол орны цаг уур, хөрсний онцлогт тохируулан зурсан 40м2-500м2 хүртэлх орчин үеийн шийдэл бүхий банкнуудын ногоон зээлийн шаардлага хангасан эрчим хүчний хэмнэлттэй ногоон амины орон сууцны шилдэг загваруудыг онцлон хүргэж байна.  

Мөн байшингийн суурь хөрснөөс эхлээд байшингаа барьж дуусах хүртэлх танд хэрэг болох мэдээлэл, зөвлөгөөг салбарын мэргэжилтнүүд бэлтгэн нийтэллээ. Онцлох зөвлөгөөнөөс дурдвал, 

Эрчим хүчний хэмнэлттэй ногоон барилга барихын тулд юун түрүүнд ногоон барилгын шалгууртай танилцан шалгуурт нийцүүлэх нь чухал. Ингэснээр арилжааны банкнуудын ногоон зээлийн шалгуур ханган санхүүжилтээ шийдэх нэг алхам болох юм. Амины орон сууц каталогт ногоон барилгын үнэлгээ ба тавигдах шалгуур, ногоон барилгын гэрчилгээ олгох талаар болон арилжааны банкнуудын ногоон зээлийн санхүүжилтийн мэдээлэл багтсан. 

Амины орон сууцны зураг төсөл гаргах, эрчим хүчний хэмнэлттэй зураг төсөл гаргахдаа анхаарах зүйл, зураг төслийн дагуу төсөв бодох аргачлалыг 80м2 амины орон сууцны загварт жишээ болгон зөвлөгөө оруулсан. Амины орон сууцаа стандарт зураг төслийн дагуу барьснаар Ипотекийн зээлд хамрагдах боломжтой юм. 

Эрчим хүчний хэмнэлттэй амины орон сууц барихад хувийн эдэлбэр газрын төлөвлөлт чухал. Нийслэлийн иргэдийн эрүүл аюулгүй амьдрах эрхийг хангахын тулд "Амины орон сууцны төлөвлөлт, ашиглалтад тавигдах шаардлага" хотын стандартыг мөрддөг билээ. Тус стандартад Амины сууцны эдэлбэр газрын төлөвлөлтийг тусгахдаа хэсэгчилсэн ерөнхий төлөвлөгөөнд тодорхой тусгаагүй тохиолдолд барилгажилтын талбайн хэмжээг эдэлбэр газрын хэмжээнээс нь хамааруулан нийт талбайн (30-40) хувь байна гэж заасан байдаг. Амины сууцны талбайн хэмжээнээс эдэлбэр газрын төлөвлөлт хамаардаг талаар Амины орон сууц каталогоос уншаарай. 

Иргэдийн хамгийн хайнга ханддаг барилга угсралтын компанитай ажил гүйцэтгэлийн гэрээ байгуулахдаа юуг анхаарах шаардлагатай талаар хууль зүйн хүрээнд бодит жишээгээр тайлбарласан мэргэжлийн хуульчийн өгсөн зөвлөгөөг Амины орон сууц каталогоос уншаарай.

Манай улс жилийн 250 хоног нартай байдаг ба урд зүгт харсан цонхнуудаа цэлгэр хийснээр нар шууд тусдаг ч үүлэрхэг, бороотой үед эргээд цэлгэр цонхоороо дулаанаа алдах эрсдэлтэй. Иймд амины орон сууцны халаалтын системд онцгой анхаарч байгаль орчинд ээлтэй, эрчим хүчний хэмнэлттэй, чанартай тоног төхөөрөмж авах нь чухал. Халаалтын систем ажиллуулахаас өмнө амины орон сууцны дулаан алдагдлыг зохих хэмжээнд шийдснээр халаалтын систем бүрэн хүчин чадлаараа ажиллах юм. Сэргээгдэх эрчим хүчээр халаалтаа шийдэхдээ анхаарах зүйлсийн талаар Амины орон сууц каталогоос уншаарай. 

Мөн түүнчлэн амины орон сууцаа нийтэд хүртээмжтэй шийдэх, зураг төслөө хэрхэн гаргах, хөрсний төрөл ба хөрсөндөө тохирсон суурь төлөвлөх, гадна талбай тохижуулах сүүдрэвч, сагсны талбай барих гэх мэт зөвлөгөө мэдээллүүд багтсан байна. 

Худалдаалж буй байршлууд: 

Номин Седар яармаг 

Номин Хорооллын эцэс

Номин УИД Мажестик 

Оргил шилтгээн 

Оргил Энканто

Интерном номын дэлгүүр 

Аз хур номын дэлгүүр 

Холбоо барих: 91000233

ОНЛАЙН ЗАХИАЛГА ӨГӨХ БОЛ ЭНД ДАРНА УУ