Улсын төсвийн орлогыг бүрдүүлэгч гол хөшүүрэг нүүрсний үнэ, дэлхийн зах зээлд он гарсаар 44 хувиар унаж, тонн тутам нь 100 ам.доллароос буурч дөрөвдүгээр сарын 23-нд 93 ам.доллар болсон нь хамгийн доод түвшинд хүрсэн үзүүлэлт болсон.

Тэгвэл өнөөдрийн байдлаар дэлхийн зах зээлд нүүрсний үнэ  сэргэж өнөөдөр 99.40 ам.долларт хүрсэн таатай үзүүлэлтэй байна.

Учир нь Австралийн нүүрсний нийлүүлэлт буурч буй нь Азийн орнуудад нүүрс олборлолтын хэмжээ ихсэж, эрэлт буурах дарамтыг түр зуур бууруулснаар, нүүрсний үнэ сэргэхэд нөлөөлжээ. 

Нүүрсний үнийн уналт, геополитикийн тодорхойгүй байдал нь манай улсын хувьд энэ жил нүүрсний үнийг дунджаар 105 ам.доллароор төсөөлж байснаас доогуур унаж 80 ам.доллароор экспортолсон нь орлого буурах, үүнийг дагаад гадаад худалдааны үзүүлэлтүүд муудах байдлаар эдийн засагт савлагаа үүсээд байсан билээ.