Монгол Улсын эдийн засгийн нөхцөл байдал барилга, бүтээн байгуулалтын салбарт хэрхэн нөлөөлж буй болоод, барилгын зах зээлийн нөхцөл байдал, санхүүжилт, хөрөнгө оруулалт болон судалгааны нэгдсэн мэдээ, мэдээллийг хүргэх зорилготой "CONSTRUCTION MARKET–2025" форум 2025.04.30-ны өдөр зохион байгуулагдана.

Яг энэ өдрүүдэд АНУ-д Олон улсын валютын сан, Дэлхийн банкны 2025 оны хаврын уулзалт болж байгаа бөгөөд АНУ-ын тарифыг (импортын татвар) огцом өсгөх бодлого, худалдааны дайн болон бодлогын тодорхой бус  байдлаас шалтгаалан ОУВС дэлхийн эдийн засгийн өсөлтийн таамаглалаа мэдэгдэхүйц бууруулжээ. 

Дэлхийн эдийн засгийн өсөлтийг анх 3.3%-иар өснө гэж тооцож байсан бол 0.5 нэгжээр буулгаж 2.8% байгаа бол  өндөр хөгжилтэй орнуудын эдийн засгийн өсөлтийг ч мөн бууруулж тооцжээ. 

Манай худалдааны гол түнш Хятадын 2025 оны өсөлтийн таамаглалыг өмнөх 4.6%-аас 4.0% болгон бууруулаад байна. Манай экспортын ихэнх нь БНХАУ-аас хамааралтай тул Хятадын өсөлтийн сааралт манай экспортод сөргөөр нөлөөлнө гэдгийг эдийн засагчид үзэж байна. 

Гадаад хүчин зүйлийн хувьд, геополитикийн нөхцөл байдал, БНХАУ-ын барилгын материалын үнийн өөрчлөлт, ОХУ-ын эдийн засгийн байдал гэсэн гурван чиглэл байгаа бөгөөд энэ нь дэлхийн зах зээлд тодорхойгүй байдал үүсгэж, хөрөнгө оруулагчдын эрсдэлээс зайлсхийх хандлагыг нэмэгдүүлж байна. Энэ байдал нь Монгол Улсад ч хөрөнгө оруулалт хийх сонирхол буурах нь барилгын салбарт хөрөнгө оруулалтын санхүүжилт багасах, шинэ төслүүдийн эхлэл удаашрахад хүргэх эрсдэл үүсгэж болзошгүй байна. 

Форумын хүрээнд холбогдох төрийн болон хувийн хэвшлийн байгууллагуудын төлөөлөл оролцож, илтгэл тавих, хэлэлцүүлэг өрнүүлэх, зөвлөмж гаргах үйл ажиллагаа зохион байгуулагдах бөгөөд дараах үндсэн сэдвүүдийг хэлэлцэнэ. 

• Монгол Улсын эдийн засаг, нийгмийн өнөөгийн нөхцөл байдал
• Барилгын салбарын зах зээл, хүний нөөцийн өнөөгийн байдал
• Барилгын салбар дахь хөрөнгө оруулалт, санхүүжилтийн чиг хандлага
• Үл хөдлөх хөрөнгийн зах зээлийн нөхцөл байдал
• Ипотекийн зээлийн өнөөгийн байдал
• Барилгын материалын ханган нийлүүлэлт, зах зээлийн чиг хандлага

⏰ХЭЗЭЭ: 2025.04.30-ны өдрийн 08:30-12:00 цагт

📍 ХААНА: Бэст Вестэрн Премьер Туушин Зочид буудал, 5-р давхар, Соёмбо танхим

📑ХӨТӨЛБӨР ҮЗЭХ

🖇БҮРТГҮҮЛЭХ

Оролцогчдын тоо хязгаартай.