Улаанбаатар хот 2025 оныг “Бүтээн байгуулалтын жил” болгон зарлаж, нийслэлийн агаар, орчны бохирдол, авто замын түгжрэл, иргэдийн амьдралын чанарыг дээшлүүлэхэд чиглэсэн томоохон төслүүдийг хэрэгжүүлж ажлыг эхлээд буй. 

Энэ ажлын хүрээнд өнөөдөр нийслэлийн Засаг даргын нэгдүгээр орлогч Т.Даваадалай үндэсний үйлдвэрлэгч компаниудын төлөөлөл болох "Монцемент билдинг материалс" ХХК-ийн удирдлагыг хүлээн авч уулзлаа.

Уулзалтаар, Улаанбаатар хотод хэрэгжүүлэх мега төслүүдэд дотоодын үйлдвэрлэгч компаниудтай хамтран ажиллах талаар санал солилцов. "Монцемент билдинг материалс" ХХК-ийн удирдлага нийслэл хотод хэрэгжих мега төслүүдэд хамтарч ажиллахаа илэрхийллээ.