УИХ-аас 2022 онд Агаарын тухай хуулийг баталсан. Уг хуулийн 6.1.6-д цахилгаан болон хийн түлшинд шилжсэн гэр хорооллын шаардлага хангасан өрхөд урамшуулал олгох тогтолцоог хуульчилсан байдаг. Тэгвэл, Зсгийн газар, урамшуулал олгох журмыг удахгүй хэлэлцэнэ гэдгийг хотын дарга Х.Нямбаатар мэдэгдлээ.

Тэрбээр “LNG/LPG” гэсэн 2 сонголтоор гэр хорооллын өрхүүдийг хийн түлшинд шилжүүлэх судалгаа, тооцоо хийгдэж, туршилтын ажил явагдаж байна. Амины сууц нь шаардлага хангасан айлуудад LNG буюу байгалийн хийн шугам оруулах, гэр сууцанд LPG хоолой халаагчтай нь оруулах тооцоо судалгааны дүн удахгүй гарна гэдгийг онцоллоо.

Туртшилтаар нэг өрхийн хэрэглээнд LPG халаагч, плиткатай тавьж, гэр нь тогтмол 25 аас дээш градус байхаар тохируулан ( автомат асаж унтардаг тохиргоотой) хэрэглэхэд хэрэглээний зардал өнөөгийн худалдаалж буй ханшаар 165 мянган төгрөг гарч байна. Үүнийг  "Агаарын хууль"-д заасны дагуу халаалтын улирлын 7 сард, сар бүр тогтоосон хэрэглээний 50 хувийг төрөөс хөнгөлөд 83,000 төгрөг төлөх тооцоолол гарсан байна.

Урамшуулалд хамрагдахад айл өрхүүд дараах шаардлагыг хангасан байх аж.

• 14.1.2.цахилгаан дамжуулах, түгээх шугам сүлжээнд холбогдож цахилгаан халаагуур хэрэглэж байгаа;

• 14.1.3.бүх төрлийн хийн түлшээр ажилладаг халаалттай;

• 14.1.4.газрын гүний дулаан, нар, салхины болон бусад сэргээгдэх эрчим хүчийг ашиглаж байгаа;

• 14.1.5.стандартын шаардлага хангасан шахмал болон хагас коксон түлш, сайжруулсан зуух, яндангийн шүүлтүүр хэрэглэж байгаа;

• 14.1.6.байгаль орчинд ээлтэй эрчим хүчний хэмнэлттэй байшин, амины орон сууцтай;

• 14.1.7.түлш хэмнэх замаар хүлэмжийн хийн ялгарлыг багасгаж, энэ чиглэлийн дотоод, гадаадын хөнгөлөлттэй зээл, тусламж, төсөл, хөтөлбөрт хамрагдаж байгаа;

• 14.1.8.бусад.