ХХ зууны гоо үзэсгэлэн, загварын ертөнцийн хатан хаан Одри Хепбернийн эзэмшилд байсан "La Paisible" харшийг 20.8 сая ам.доллароор худалдахаар дахин санал болгожээ.

XVIII зууны үеийн уг харш Швейцарын Женев хотын ойролцоох тосгонд байдаг. 12 унтлагын өрөө, 8 угаалгын өрөөтэй, 1000 гаруй хавтгай дөрвөлжин метр талбай бүхий гурван давхар энэхүү байшинд Хепберн 1963 оноос хойш 1993 онд нас барах хүртлээ амьдарч байжээ. 

Хепберни нь амьдрал урлаг хоёрыг хослуулсан тав тухтай, энгийн, гэхдээ элит хэв маягийг эрхэмлэдэг байсан бөгөөд түүний харшийн архитектур нь түүний амьдралын хэв маягийг илэрхийлэх нэгэн чухал элемент байсан.  

Харшийн архитектур нь алдартай классик, эртний хэв маягийн элементүүдтэй хослуулан орчин үеийн, тухтай орон зайн шийдлүүдтэй.

2001 онд Хепбернийн хөвгүүдээс "La Paisible"-г худалдаж авсан харшийн одоогийн эздийн ярьснаар, хүүхдүүд нь өсөж том болж, тусдаа гарснаас хойш байшин нь тэдэнд хэтэрхий томдох болсон учраас худалдах шийдвэр гаргажээ.