Нийслэлийн Засаг даргын тамгын газар, Барилга хот төлөвлөлтийн газар хамтран "Хот байгуулалтын бодлогын

хэрэгжүүлэх шинэ алхмууд" зөвлөгөөн зохион байгууллаа. Хот байгуулалтын ажлыг зохион байгуулалтыг шинэ шатанд хүргэх зорилгоор зохион байгуулжээ. Энэхүү арга хэмжээг Нийслэлийн Засаг дарга бөгөөд Улаанбаатар хотын захирагч Г.Мөнхбаяр уламжлал ёсоор үг хэлэн нээсэн юм. Тэрээр хэлэхдээ "Хот төлөвлөлт хоорондоо уялдаа холбоотой байх ёстой. Нэг нь газар олгож, нөгөө нь барилгаар чигждэг байдалд цэг тавих цаг ирснийг сануулав. Үүнтэй холбоотойгор ирэх жилд хот төлөвлөлтийн асуудалд өөрчлөлт гаргах ёстой гэдгийг зөвлөгөөн дээр мэдэгдлээ.

Тэр дундаа хотын барилгажилт ерөнхий төлөвлөгөө, хүн амынхаа нягтрал суурьшилтай уялдах ёстой гэдгийг хэлж байлаа. Иймээс эхний ээлжинд хотын барилгажилтын өнгө төрхийг тодорхойлох хэрэгтэй. Тусгай зөвшөөрөл олгодог зураг төслийн компаниуд, архитекторуудыг уриалан энэхүү зөвлөгөөнийг зохион байгуулав. Барилга барина гэдэг хоосон газар дээр хэдэн тоосго өрөхийг хэлэхгүй. Тэр дундаа хотын барилгажилт ерөнхий төлөвлөгөө, хүн амынхаа нягтрал суурьшилтай уялдаа холбоотой байх ёстойг анхаарах цаг нь хэдийнэ болсон.

Өнгөрсөн онд Монгол Улс хүн ам, орон сууцаа тоолсон. Энэ тооллого зөвхөн тоо бүртгэл төдий биш хотынхны ирээдүйн төлөвлөлтийг тусгасан луужин болсныг онцолмоор байна. 2020 он гэхэд Улаанбаатар хотын хүн ам ойролцоогоор 1,5 сая хүрэх магадлалтай. УИХ, Засгийн газраас тодорхой бодлого хэрэгжүүлж эхэлсэн. Зуун мянган айлын орон сууц хөтөлбөрийн ихэнх хувь нь нийслэлд баригдана. Шүүгээн доторхи макет зураг төсөлчдийн гараар барилга болох учраас газраа л олчих, хийгээд өгье гэсэн үзэмжээр ажилд хандахгүй гэдгийг хатуу сануулав. Зураг төсөлчдийн гараар хийгдэж хотынхны зөвшөөрлөөр баталгаажих ёстой" хэмээн хэллээ.

Үүний дараагаар Нийслэлийн газрын албаны дарга Ц.Сандуй үг хэлсэн юм. Тэрбээр ярихдаа "Манай улсын хэмжээнд зураг төслийн 260 гаруй тусгай зөвшөөрөлтэй компани байдаг. Эдгээр барилгын компаниудын хийсэн зургаар өнөөдрийн хотын өнгө төрх тодорхойлогдож байгаа. Нийслэлд баригдаж байгаа барилгууд сайн хэдий ч зарим тапаараа шаардлага хангаж чадахгүй байна гэдгийг шүүмжилмээр байна. Эдгээрээс нэрлэвэл ерөнхий төлөвлөгөөний дагуу стандарт мөрддөггүй, барилга хоорондын зайг зөрчдөг, ногоон байгууламж тохижилтоо төлөвлөдөггүй, газрынхаа хэмжээнээс давсан том зураг төлөвлөдөг гэх зэрэг олон зөрчлийг нэрлэж болно.

Алдаа мадаг байгааг зураг төсөлчид үгүйсгэсэн зүйл хэлээгүй ч өөр олон асуудал хот төлөвлөлтийн бодлогыг мухардуулж байгааг хэлсэн. Үнэхээр газраа эхэлж олгодог. Олгосон газрынхаа дагуу төлөвлөлтөө хийдэг дүр зураг байгааг албаныхан үгүйсгэсэнгүй. Энэ ч үүднээс газар олгодог олон субъектуудыг багасгах асуудал байгааг эрх зүйн хүрээнд яригдаж байна. Хот байгуулалт газрын харилцааг нэг зоосны хоёр тал гэж ойлгож болно. Тийм ч учраас газар ашиглалтын бүсчлэлийг тогтоох нь хамгийн зөв алхам гэж үзэж байна" хэмээн хэлэв.

Мөн Улаанбаатар хотын ерөнхий архитектор Э.Хүрэлбаатар үргэлжлүүлэн Хотыг 2020 он хүртэл хөгжүүлэх ерөнхий төлөвлөгөөнд тодотгол хийгдсэн. Иргэнээ дээдэлсэн дэлхийн жишигт нийцсэн хот болгоно гэсэн зорилт энэ төлөвлөгөөнд тусгагдсан байгаа. Харин энэ зорилтыг мөрөөдлийн хэлхээс болгохгүйн тулд одооноос бид бүхэн зөв төлөвлөлт хийж, өөрчлөлт гаргах хэрэгтэй. Дэлхийн томоохон хотууд манайх шиг төв рүүгээ төвлөрөөгүй байдаг. Хамгийн ойрхон Хятад улсын Бээжин хотод нийт хүн амын 15 хувь нь амьдардаг бол, Япон улсын Токио хотод зургаан хувь, Солонгос улсын Сөүл хотод хүн амынх нь 26 хувь байдаг.

Харин Улаанбаатар хотын нийслэлд улсын хүн амынхаа 46 хувь нь амьдардаг. Тэр чинээгээр хот төлөвлөлтийн бодлогод алдаа гарч байдаг" гэж тэрээр хэллээ. Төлөвлөлтийн бодлогыг төөрдөг байшин, эвлүүлдэг тоглоом гэж цоллуулахгүйн тулд хот шинэ алхмыг хийж эхэлж байгаа нь сайшаалтай хэрэг. Ирэх жилээс хот төлөвлөлтөнд өөрчлөлт гарна гэдэгтэй талууд санал нэг байлаа.

niisleltimes