“Барилга.МН” сэтгүүлийн 2011 оны сүүлийн дугаар худалдаанд гарлаа
Барилгын салбарын холбоотой хэрэгцээт мэдээ мэдээллийг уншигч танд хүргэж байдаг “Барилга.МН” сэтгүүлийн 2011 оны сүүлийн дугаар уншигч таны гарт очиж байна. “Барилга.МН” сэтгүүл Монголд анх удаа 5,000,000 - 8,000,000 төгрөгийн сан бүхий урамшуулалын купоныг гаргалаа. Та сэтгүүлээ 5000 төгрөгөөр худалдан аваад сэтгүүл дээр реклам сурталчилгаа нь байрласан байгууллагуудаас материал бүтээгдэхүүн, шинэ орон сууц худалдан авсан тохиолдолд дээрхи үнийн дүнгээс хөнгөлөлтөө авах юм. Тус купон нь тухайн сардаа хүчинтэй юм.
Шинэхэн дугаараас уншигч та:
Дугаарын онцлох хүн
“Барилга.МН” сэтгүүл дугаар бүрээрээ салбарын хөгжилд өөрийн гэсэн хувь нэмрээ оруулсан ахмад үеийнхэн болон одоо ч гэсэн бүтээн байгуулалтанд гар бие оролцож яваа барилгынханаа онцлон урьдаг билээ. 2011 оны 12 сарын “Онцлох зочин”-оор МБХ-ны ерөнхийлөгч М.Батбаатарыг урьлаа. Ингээд “Барилгын салбарын эмч”-ийн ярианд анхаарлаа хандуулна уу?... Уг нь эмч болох мөрөөдөлтэй байсан боловч тэр үед сургуулийн хуваарь санасанаар болдоггүй байсан. Гэхдээ хамгийн гол нь их бүтээн байгуулалт өрнөсөн Найрамдлын хотод амьдарч байсан маань барилгын салбартай холбогдоход илүү нөлөөлсөн гэж боддог ...
... Аав их эмч, ээж маань сувилагч хүн байсан. Би айлын хамгийн том нь, доороо 7 дүүтэй. Тэр үеийн хүүхдүүд дэгтэй, гэр орондоо ч их тусладаг. Барилгынхныг 100.000 айлын орон сууц руу бөөнөөр нь нэг гараан дээрээс оруулвал, бариад дууссаныхаа дараа томрох нь томроод, сөнөх нь сөнөөд дуусна гэсэн үг юм. Ингэхгүй 100.000 айлын орон сууцыг хэдхээн том компани нь бариад бусад нь боол шиг ажиллана гэсэн системээр явах гээд байгаа. Ингэж чадахгүй бол барилгачид дарга цэрэг нь хөл толгойгоо олохгүй, бусад салбарын боол, гар хөл, болох байх.
Танд хэрэгтэй
Өнөөдөр эрчим хүчний хэмнэлттэй барилга гэж яриад байгаа боловч иргэдийн дунд энэ талаарх мэдлэг тун хомс байна. Тиймээс яг ямар барилгыг эрчим хүчний хэмнэлттэй гэж хэлээд байгаа эрчим хүчний хэмнэлт буюу дулаан хэмнэлт, алдагдлыг хэрхэн багасгах мөн таны амьдарч байгаа амины орон сууц аль хэсгээрээ дулаан алдагдал ихтэй байгааг хэмжих тоног төхөөрөмжийн талаарх мэдээллийг хүргэж байна. Хүний амьдралын гол хэрэгцээ болох орон сууцаа эрчим хүчний хэмнэлттэй өөрөөр хэлбэл дулааны алдагдал багатай барих нь түлш бага хэрэглэх нөхцлийг бүрдүүлж өгөхөөс гадна “шүдний” болоод байгаа утаанаас ангижрах, тухайн барилгыг ашиглах явцад өрхийн төсвийг хэмнэх хамгийн боломжит арга юм.
Барилгын битүүмжлэл
Барилгын зай завсраар алдагдах дулааны хэмжээг илэрхийлэх битүүмжлэлийн байдал нь халаалтын эрчим хүчний хэрэглээнд нөлөөлдөг гол хэмжигдэхүүн юм. Барилгын эрчим хүчний төвд хандан өөрийн амьдарч байгаа амины орон сууцандаа дулаан алдагдлын хэмжилт хийлгэн, мэргэжлийн хүмүүсээс зөвлөгөө авах боломжтой юм.
Байр авах гэж байна уу?-6
Бид өмнө нь гал голомтоо бадрааж, он удаан жил аз жаргалтай амьдрах орон сууцны байрныхаа байршилыг хэрхэн оновчтой сонгох, сонгосон байршилд нь барилгаа хэрхэн барих зэрэг асуудлаар ярилцаж байсан. Одоо танд гэрээ хийх хүртэл итгэл үнэмшил хэрхэн олж авах, түүнийг холбогдох хууль тогтоомж, ном дүрмийн дагуу, чанартай, түргэн хугацаанд дуусах эсэх, өөрийнхөө хэмжээнд юу мэдэж болох талаар хэдэн зөвлөгөө өгье.
... Иргэн А нэгэн томоохон компаний барьж буй барилгад байр захиалсан. Гэрээ хийсэн хойноо харсан чинь тухайн компанитай биш өөр нэртэй байгууллагтай гэрээ хийсэн байв. Учрыг лавлатал барилгын тусгай зөвшөөрөлтэй манай охин компани л гэж. Байр ашиглалтанд орохгүй удаж, иргэн А ч гэрээний дагуу шаардлагаа тавьж. Тэгсэн нөгөө том компани нь манай тэр охин компани дампуурсан. Гэхдээ бид нар барилгыг чинь ямар ч байсан ашиглалтанд оруулна, бараг л хүний өмнөөс бид нар зовж байна ухааны юм ярьж. Мэдээж шүүхдэхээр асуудал эрүүгийн хэрэг болж ганц хоёр буруутай этгээд ял сонссон болж харин өөрөө бөөн хохирол давхар үзсэний эцэст арга буюу л тэр компанийг нь харж, хүлээж, цөхөрсөөр гэрээ хийснээс 3 жилийн дараа байрандаа нэг юм орсон гэдэг.
Бас л нэг луйварчин этгээдүүд орон сууц барьж байгаа гэж рекламдаад зогссон барилга хүмүүст үзүүлж залилан хийсэн байдаг.
Үүнээс гадна хөрөнгө оруулж буй компаниасаа мөнгө авч чадахгүй болмогц байрны захиалагч нарыг барилга чинь дуусахад үлдэгдэл мөнгө чинь хэрэгтэй байна гэж гүйцэтгэгч компани нь хулхидах шахсан жишээ ч бий ...
Аян замын тэмдэглэл
Барилга байгууламж гэдэг өнгөрсөн, одоо, ирээдүй цагын түүхийг өгүүлсээр байдаг. Гадны өндөр хөгжилтэй орнууд барилга байгууламжаа тэр үед нь ямар байсан тэр чигээр нь авч үлдэж түүнийгээ аялал жуулчлалдаа ашиглаж чадсан байдаг. Энэ удаагийн тэмдэглэл Хятадын Шузоу хотоос хүрч байна.... Бунхан нийтдээ 117 метр урт бөгөөд 851 м2 талбайг эзэлсэн. Доторхи эд зүйлс нь ч бунхандаа тохируулан хийж, бүтээсэн байх нь гайхалтай. Тасалгаанууд бүгд өөр өөрийн үүрэгтэй байх бөгөөд гал тогооноос авхуулаад бие засах өрөө, амрах өрөө түүнчлэн Хаан болоод хатдын зугааг гаргаж, алжаалыг нь тайлах дуу хөгжим тоглох дуучид, бүжигчдийн танхим хүртэл байх нь одоогийнхоор дээд зэргийн хааны эдлэн газар, тансаг зэрэглэлийн зочид буудал гэж хэлэхэд хилсдэхгүй. Гал тогооны өрөөнд олон шавар сав суулга, хоол хүнсний хэрэгслүүд байрлана. Харин хаан хатдын өрөөнд ширээ, сандал гээд дээдсүүдийн хэрэглээнд дүйцэх бүх зүйлс бүрэн ...
Шувууд жиргэж, навч цэцэгсийн анхилам үнэр үнэртэн, горхины ус хоржигнох энэ хүрээлэн яг л диваажин мэт үзэсгэлэнтэй.
Камин зуухтай болмоор байна уу?
Өвөл утаанаас түр холдон зусландаа очиж амрахад хүйт дааж нэг л тав тухгүй санагдаад байдаг. Тэр асуудлыг шийдэх хамгийн шилдэг арга камин зуух гэдэгт итгэлтэй байж болно. “Барилга.МН” сэтгүүл камин зуух барих хамгийн зөв шийдлийг хүргэж байна. Хүмүүс камин зуухны өрөлтийг буруу хийснээс зуухнаас нь утаа гарах, халахгүй, гал нь асахгүй байх гэх мэтчилэн олон асуудал үүсдэг. Мөн камин зуух нь агааржуулалтын системийн үүрэг гүйцэтгэхээс гадна танай гэрт тав тухтай тансаг орчинг үүсгэдэг байна. Тэгвэл бидний бэлтгэсэн зөвлөгөөнд анхаарлаа хандуулна уу?
Монгол интерьер
Гэрийн болон албан тасалгаа бүр цаашлаад байгууллагын тань дотоод засал, интерьер таны сэтгэлд нэг л таарахгүй гадаадын сэтгүүл эргүүлж сууна уу? Тэгвэл та тэр сэтгүүлээ хойш тавиад “Барилга.МН” сэтгүүлийн “Монгол интерьер” буланг сөхөөд хараарай. Гадаадын сэтгүүлийн интерьер хамгийн сайн мундаг гэсэн ойлголтыг толгойноосоо авах цаг болж. Монголын дизайнеруудын хийж байгаа бүтээлүүд гадаадын нэр хүндтэй сэтгүүл дээр гардаг гоёмсог интерьерүүдээс дутахааргүй харагдаж байгаа биз. Гадны оронд Монгол хүмүүсийг аливаа зүйлийг сурах, шинийг санаачлахдаа сайн гэсэн үнэлгээг авдаг.
Дэлгүүрээс өөрийнхөө санаанд тохирох тохирохгүй тавилганууд авч хооронд нь зохицуулж тавих гэж байхаар мэргэжлийн хүмүүст нь хандан өөрийн санаанд тохирох зөвхөн танайд байх цор ганцхан интерьерээ Монгол дизайнаруудаараа хийлгэх боломжтой болсон байна шүү.
Гадны юм чанартай, чамин тансаг гэсэн ойлголтыг халж чадах Хамгийн чамин тансаг загвар хийцтэй интерьерийн загварыг сар тутмын “Барилга.МН” сэтгүүлээс харж хүссэн загвар дизайнаа хийлгээрэй.
Hand made
Гэрт тань хэрэггүй хаях гэж байгаа ямар нэг зүйл байгаа бол та түр хүлээгээрэй. Хог хаягдал ч танай гэрийн интерьерт өнгө нэмэх гоёл болдог гэдгийг санаарай. Шинэ жилийн үдэш зоогийн ширээгээ гайхалтай чимэглэхийг хүсч байгаа бол бидний бэлтгэсэн зөвлөгөөнд анхаарлаа хандуулаарай. Хийхэд амархан хирнээ таны зассан зоогийн ширээг хамгийн гайхалтай харагдуулна шүү. Танай гэрт хэн нэгний иддэггүй чихэр, хүүхдийн тань хуванцар бөмбөлөг, цавуу байхад л хангалттай. Ганц шинэ жилийн ширээний чимэглэл гэлтгүй энгийн үед ч ашиглахад боломжтой юм. Мөн мөнгө санхүү зарцуулахгүйгээр гарын доорх материалаа ашиглан гэртээ хэрхэн шинэ жилийн уур амьсгал оруулж, чимэглэж болох талаарх зөвлөж байна. Танд таалагдана гэдэгт итгэлтэй байна.
Хаус Хаус
Тохилог дулаахан гэр орон аз жаргалтай гэр бүлийн нэгэн нууц. Уншигч та амины орон сууц барихаар шийдэж хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно. Өвөл цаг хаяанд ирж байгаа энэ үед Улаанбаатар хотын утаанаас түр холдон амралтын өдрүүдээ цэвэр агаарт гэр бүлээрээ өнгөрөөхийг хүсдэг болсон үед зуслан дээрээ тохилог сайхан барих гэж байгаа хүмүүс түр хүлээн сэтгүүлийн хуудсыг эргүүлээрэй
Айл бүхний дээвэр дор аз жаргал байг
Шинэ орон сууц, барилгын материалын үнэ ханш
Өвлийн хүйтнээс урьтан орон сууц сонгох гэж элдэв янзын сонин сэтгүүл эргүүлж байна уу? Түр хүлээ! Таны эрэл хайгуул болоод байгаа мэдээлэл нэг дор байна. Барилгын салбарын мэдээллийг нэг дор багтаасан “Барилга.МН” сэтгүүлийн 11 сарын дугаарт Улаанбаатар хотод ашиглалтанд орох гэж байгаа болон орсон шинэ орон сууцны мэдээлэл шинэчлэгдэн гарлаа.
Улаанбаатар хотын бүх дүүргүүдэд хаана ямар байршилтай, м2 нь ямар үнэ өртөгтэй шинэ орон сууц байгааг мэдэж авна. Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа.
Барилгын материалын үнэ харьцангуй тогтвортой байгааг материал бүтээгдэхүүн зарж борлуулж байгаа хүмүүс засвар үйлчилгээ хийх улирал нь өнгөрч байгаатай холбон тайлбарлаж байна лээ.
"Барилга.МН" сэтгүүлийг
бүх сүлжээ дэлгүүрүүд болон сонин борлуулах цэгүүд, номын дэлгүүрүүдээс худалдан авах боломжтой.
Мөн 
- иар захиалан үнэгүй хүргүүлэх боломжтой.