“Хөдөлмөрийн хүндэт медаль”-иар энгэрээ мялаав
Зам, тээвэр, барилга, хот байгуулалтын салбарт үр бүтээлтэй ажиллаж байгаа зарим албан хаагчийг төрийн дээд одон медалиар шагнахаар Монгол Улсын Ерөнхийлөгч зарлиг болгожээ. Шагналыг Зам, тээвэр барилга, хот байгуулалтын сайд Х.Баттулга 2012 оны 01 дүгээр сарын 12-нд гардууллаа.
Үүний дотор Газрын харилцаа, барилга, геодези, зураг зүйн газрын Барилгын чанар аюулгүй байдлын хэлтсийн ахлах мэргэжилтэн П.Наранчимэг “Хөдөлмөрийн хүндэт медаль”-иар энгэрээ мялаасан юм.
Эрхэлсэн ажилдаа амжилт гарган Төрийн дээд одон медаль хүртсэн хүмүүст Зам, тээвэр,Барилга, хот байгуулалтын сайд баяр хүргээд, цаашдын ажилд нь амжилт хүсэв.