“Барилга.МН” БЗМТөвөөс барилгын салбарын аж ахуйн нэгж байгууллагууддаа зориулан үзэсгэлэн яармаг, сургалт, уулзалтуудыг байнга зохион байгуулж, салбарын байгууллагуудын бизнесийн хамтын ажиллагааг өргөжүүлэх, харилцан хамтран ажиллах, мэдээлэл солилцох боломж олгох зэргээр  байнга анхаарч ажилладаг билээ.

Барилгын салбарын аж ахуйн нэгж байгууллагуудын удирдах ажилтнуудын хамтын ажиллагааг өргөжүүлэх, чөлөөт цагыг зөв боловсон өнгөрүүлэх зорилгоор барилгын салбарын биллиардын аварга шалгаруулах “Barilga Billiard 2011” тэмцээнийг зохион байгуулах гэж байна.

Тэмцээнд оролцсоноор барилгын салбарын төрийн болон төрийн бус байгууллагууд болон компаниудын удирдлагуудтай танилцаж, харилцаа холбоогоо өргөжүүлэх, халуун яриа өрнүүлэх  боломжтой.

Иймд “Барилга.МН” БЗМТөв, МБХолбоо, ЗТЗХолбоо, МҮХАҮТанхимийн Барилгын зөвлөлөөс хамтран зохион байгуулж байгаа 2011 оны 11-р сарын 19-ний өдөр Efes биллиард клубэд болох барилгын салбарын биллиардын аварга шалгаруулах “Barilga Billiard 2011” тэмцээнд салбарын ААН, байгууллагуудын удирдах ажилтан та бүхнийг оролцохыг урьж байна.