Хан-Уул дүүргийн М.Орхонбаяраар ахлуулсан ажлын хэсэг тус дүүрэгт үйл ажиллагаа явуул буй барилгын компаниудад шалгалт хийжээ. Ингэхдээ дүүргийн Мэргэжлийн хяналт, Цагдаагийн байгууллага, Нийслэлийн Үйлдвэрчний эвлэлүүдийн холбоотой хамтарч шалгалт хийжээ.Шалгалтанд “Хурд”, “Тайж таун”групп, “Сан Транс Монголиах” компанийн захиалгаар барилга барьж буй “Оюуны зураг”, “Каркас”, “Төгс гүрэн” зэрэг гүйцэтгэгч компаниудыг хамруулсан аж.Гэтэл барилга барьж буй компаниудын талбайн гадна талын хамгаалалтын шат, тавцан, тор хүрээ татаагүй зөрчил илэрчээ.Эдгээр зөрчил нь осол гаргах нөхцөлийг бий болгодог бөгөөд энэ онд “Хурд”группийн захиалгаар баригдаж байсан барилгад хамгаалалтын арга хэмжээ аваагүйн улмаас гурван ажилчин гэмтсэн гэнэ. Энэхүү зөрчлөөс гадна барилгын компаниудын ажилчидыг үйлдвэрийн ослийн даатгалд тэр бүр хамруулдаггүй аж. Мөн барилгачдын хоол, хүнснийг эрүүл ахуйн стандарт ханаагүй нөхцөлд бэлтгэдэг байсан зөрчил илэрчээ.