Орон сууцны талбайн үнэ дахин өсчээ

Орон сууцны талбайн үнэ дахин өсчээ

Бодлогын хүү нэмэгдэх нь мөнгөний урсгалыг саармагжуулж буй арга хэмжээ юм.

 Ингэснээр мөнгөний урсгал багасч инфляц буурдгийг эдийн засагчид хэлж байна.

Арилжааны банкууд зээлээс илүү төвбанкны үнэт цаасанд хөрөнгөө байршуулах юм. Энэ нь зээлийг чанаржуулах учиртай. Гэтэл барилгын компаниуд энэ чимээнээр үнээ үндэслэлгүй өсгөж буйг иргэд ярьж байна.

Шинээр баригдсан орон сууц хуучин байрны ханшид худалдаачид санаанд орсон үнээ хэлж байна. "Байр зарна" гэсэн зараар утасдвал "Үнэ өсч байгаа шүү дээ. Тиймээс манай байрны ханшид ч өөрчлөлт орж байна" гэсэн тайлбар хэлж байна. Байрныхаа үнийг ийнхүү өдрийн валютын ханш харж байгаад л зохиодог тогтолцоо бүрдчихэж.

Үнийг зах зээлийн зарчимд нь барих үүрэг хүлээсэн газар нь уг нь Шударга өрсөлдөөн хэрэглэгчийн төлөө газар. Тэднээс үнийг үндэслэлгүй өсгөгчидтэй ямар тооцоо бодож буйг лавлахаар өчигдөр очтол даргын зөвлөлийн хуралтай байлаа. Асуудлыг тодруулахаар холбогдох хүнтэй нь уулзах гэсэн боловч тайлбар өгсөнгүй. Тиймээс хэвлэлийн ажилтан Б.Цолмонгэрэлээс тодруулвал.

"Орон сууцны үнэ ханш зах зээлийн жамаар нэмэгдэж байгаа тохиолдолд бид хяналт тавьдаггүй, тийм эрх бидэнд байхгүй. Олон байгууллагууд нийлж үгсэн хуйвалдаж байгаад үнэ өсгөсөн байвал бид шалгаж хяналт тавих үүрэгтэй. Чөлөөт зах зээлийн зарчмаар өсөж байгаа нөхцөлд яаж ч чадахгүй. Харин хэрэглэгчээс бидэнд гомдол ирсэн тохиолдолд шалгах боломжтой" гэв.

Шинэ орон сууцны хувьд хорооллоосоо хамааран нэг ам.метр талбай нь 850 мянгаас 1 сая төгрөгийн ханштай байсан бол хуучин орон сууцны үнэ ханш нэг өрөө байр дунджаар 40 сая, хоёр өрөө байр 58 сая харин гурван өрөө байр 75 сая төгрөгнийн ханштай байна.

"Зууны мэдээ"

Холбоотой мэдээ