Улаанбаатар хотод метрог ямар байдлаар хэдий хугацаанд барьж байгуулах талаар Японы ЖАЙКА байгууллага судалгаа хийж буй. Өчигдөр тус байгууллагын төлөөлөгчид хотын дарга Г.Мөнхбаяртай уузлаа. Уг судалгаагаар эхний ээлжинд 18 км-ийн урттай метро барих юм. Энхтайваны өргөн чөлөөний газар доогуур барихаар төлөвлөгдөж байгаа бөгөөд ямар аргачлалаар барих талаар хэд хэдэн хувилбар яригдаж байгаа аж. Тиймээс хэдий хэмжээний төсөв шаардлагатай нь одоогоор тодорхойгүй байна. Уг судалгаанд төлөвлөгдсөнөөр 2014 оноос барилгын ажил эхлэж 2020 онд ашиглалтад орох аж.