Техник технологийн коллеж тоног төхөөрөмжүүдээ хүлээн авлаа.

Техник технологийн коллеж тоног төхөөрөмжүүдээ хүлээн авлаа.

Монголын Мянганы Сорилтын  Сангийн (ММСС) Мэргэжлийн боловсрол, сургалтын (МБС) төслийн хүрээнд мэргэжлийн боловсрол, сургалтын салбарт өрнөж буй өөрчлөлт, шинэчлэлийн үйл явцыг дэмжих, эрх зүйн орчин, удирдлагын тогтолцоог боловсронгуй болгох, эрэлтэд нийцсэн сургалтын агуулга, хөтөлбөрийг боловсруулах, сургалтын орчин, материаллаг баазыг бэхжүүлэх зорилтуудыг дэвшүүлж дэс дараатай цогц арга хэмжээг 2008 оноос хойш амжилттай хэрэгжүүлж байгаа билээ.

Энэ үйл ажиллагааны хүрээнд АНУ-ын Мянганы сорилтын корпорацийн санхүүжилтээр Монголын Мянганы сорилтын сангийн Мэргэжлийн боловсрол, сургалтын төслөөс Техник Технологийн Коллежид мэдээллийн технологийн тоног төхөөрөмж, тавилга нийлүүлэх үйл ажиллагааг 2011 оны 10 дугаар сарын 18-нд тус коллежийн дадлагын газрын нээлтийн арга хэмжээнд дээр хүлээлгэн өглөө.

Монголын Мянганы Сорилтын  Сангийн (ММСС) Мэргэжлийн боловсрол, сургалтын (МБС) төслийн зорилго нь сургалтын  материаллаг орчинг сайжруулан эдийн засгийн тэргүүлэх салбаруудаар жишиг сургуулийг бий болгож, Барилгын салбарт Техник технологийн коллеж, Эрүүл мэндийн салбарт Эрүүл мэндийн технологийн сургууль, Уул уурхайн салбарт Говьсүмбэр аймгийн МСҮТ-ийг жишиг сургууль болгож хөгжүүлэх иж бүрэн, цогц үйл ажиллагааг хэрэгжүүлж байна.

 

Ингэснээр өндөр хөгжилтэй орны ижил төстэй сургуулиудын  жишигт бүх талаараа дүйцсэн,  салбартаа тэргүүлэгч, үлгэр жишээ жишиг сургуулиудийг бий болгох  бөгөөд 2010-2013 онд  техник технологийн коллежийн сантехник, гагнуур, цахилгаан, барилгын дотоод засал чимэглэл, мужаан,  бетон арматур, автокад,  барилгын  хүнд машин механизмын оператор, барилгын материал судлал, геодези  зэрэг  10 мэргэжлээр сургалтын орчин үеийн тоног төхөөрөмжийг 2012 оны 2-4 сард; мехатроник, гидравлик хий шингэн, механик  гэсэн 3 мэргэжлээр техникч бэлтгэх орчин үеийн лабораторийн техник, тоног төхөөрөмжийг 2012 оны 2-4 сард багтаан  нийлүүлэх мөн орчин үеийн бүрэн тоноглогдсон мультимедиа лаборатори, дуу, дүрс бичлэгийн техник, тоног төхөөрөмж зэргүүдийг нийлүүлэх юм. Эдгээр төлөвлөгдсөн ажлуудаас одоогоор нийт 6 дадлагын газрын  засварын ажлыг хийж дуусган мэдээллийн технологийн тоног төхөөрөмжүүдийг хүлээлгэн өглөө.

 

        Нээлтийн арга хэмжээнд Төрийн байгууллагаас БСШУЯамны сайд Ё. Отгонбаяр, БСШУЯамны МБГ -ын дарга М. Бааасанжав, МБСҮЗ -ийн Барилгын салбарын зөвлөлийн дарга, Барилгачдын холбооны ерөнхийлөгч М. Батбаатар, МБСГ -ын арга зүйн хэлтсийн дарга Б. Галбадрах, Мянганы сорилтын Корпорациас МСК-ийн Монгол дахь суурин төлөөлөгч Роберт Рейд, МСК-ийн Тэргүүн дэд ерөнхийлөгч Том Харлей, МСК-ийн Боловсрол эрүүл мэнд хариуцсан захирал Ван Кроудер,  ММСС-гаас ММСС-гийн Гүйцэтгэх захирал С. Баярбаатар, ММСС-ийн олон нийттэй харилцах асуудал эрхэлсэн захирал Т. Баттулга, ММСС-гийн МБС-ын төслийн дэд захирал Ц. Ундрах, ММСС-ийн Оролцогч талуудын хорооны гишүүн н. Батнасан нар болон ТТК–ийн удирдлага, хамт олон оюутан, суралцагсад оролцлоо.

Холбоотой мэдээ