“Барилга Экспо-2012” хаврын үзэсгэлэн яармаг үүд хаалгаа нээлээ. Үзэгч та бүхэн үзэсгэлэн яармагт хүрэлцэн ирсэнээр 100,000 айлын орон сууц хөтөлбөрт хамрагдаж байгаа орон сууцнаас сонголтоо хийж, ОССК-аас газар дээр нь хүссэн мэдээллээ авах бүрэн боломжтой юм. Хаврын үзэсгэлэн яармагийг зорин ирж байгаа хүмүүсийн хамгийн их сонирхож байгаа мэдээлэл нь 100,000 айлын орон сууц хөтөлбөр, шинэ орон сууцны м²-ийн үнэ ханш. Үзэсгэлэнд оролцож байгаа орон сууцны компаниудын м² үнэ нь 1,100,000-2,000,000 хооронд байгаа ба та өөрийн хүссэн байршилдаа орон сууцаа сонгох боломжтой. Мөн газар дээр нь урьдчилгаа болгож хэдэн хувийг төлөх ёстой зэргээ харилцан тохиролцох боломж бүрдэж байгаа юм.

   Түүнээс гадна барилгын салбарт нэвтэрсэн шинэ техник технологи, амины орон сууц, Улаанбаатар хотын хэмжээнд баригдаж байгаа болон ашиглалтанд орох гэж байгаа шинэ орон сууц гээд нийт 100 гаруй компаниуд өөрсдийн материал бүтээгдэхүүнээ олон нийтэд танилцуулж байна.

    Иргэд та бүхнийг үзэсгэлэн яармагт хүрэлцэн ирж өөрт хэрэгцээтэй материал бүтээгдэхүүн, орон сууц гээд барилгатай холбоотой хэрэгцээт бүхнээ олж авахыг урьж байна.

Үзэсгэлэн яармаг 4сарын12-16-ний өдрүүдэд үзэгч та бүхэнд үүд хаалга нь үргэлж нээлттэй байх болно.