УИХ-ын гишүүн, ЗТБХБ-ын сайд Ц.Дашдорж өнөөдөр Говь-Алтай аймагт ажиллаж байна. Сайд Алтайд хоёр өдөр ажиллах ажиллах бөгөөд эрхэлсэн яамны харьяа зарим салбарын ажилтай танилцаж, барилгын компаниудын консерциум байгуулах гэрээнд гарын үсэг зурж, орон сууцны шинэ хорооллын шав тавих ажлыг эхлүүлэх юм байна.

Мөн аймгийн төвийн Харзат, Жаргалант, Баяншанд, Баянхайрхан багийн иргэд, сонгогчидтой уулзаж улс орны хэмжээнд эхлээд буй “Зуун мянган айл орон сууц” хөтөлбөр болон тойргийн хэмжээнд хийгдэж байгаа бүтээн байгуулалтын ажлыг танилцуулан, иргэдтэй санал бодлоо солилцох аж.

ЗТБХБ-ын сайдын тус аймагт ажиллах багт ОССК-ны удирдах албан тушаалтан, зарим албаны хүмүүс багтжээ. Энэ үеэр Ц.Дашдорж сайд ундны усны нөөц хомс аймгийн төвийн гурван багт худаг гаргах ажлыг эхлүүлэх юм байна.