Барилгынханд зориулсан тоног төхөөрөмжийн өдөрлөг боллоо
Чанартай барилга байгууламж бүтээн босгоход хамгийн чухал нь чанартай, баталгаатай тоног төхөөрөмж зайлшгүй чухал байдаг билээ. Энэ ч утгаараа “Вагнер Ази Тоног Төхөөрөмж” ХХК-аас “Барилгын тоног төхөөрөмж танилцуулах” өдөрлөгийг Пума констракшны 100,000 айлын орон сууцны төсөл хэрэгжүүлж байгаа яармагийн дэнж дээр зохион байгууллаа.
Өдөрлөгийн үеэр барилгын тоног төхөөрөмжүүдийг барилгын талбай дээр бодит байдлаар хэрхэн ажилладаг талаар үзүүлсэн тайлбарлаж ярихаас илүү үр дүнтэй арга байсан юм. Барилгын салбар улиралын чанартай байдаг учраас заавал худалдаж аваад байх шаардлагагүй түрээслэх боломжийг “Вагнер Ази Тоног Төхөөрөмж” ХХК барилгынхандаа олгож байгаа нь сайшаалтай юм.
Мөн өдөрлөгийн үеэр азтай зочдоо тодруулж гарын бэлгээ гардуулсан юм. Өдөрлөгт дан барилгынхан ирсэн болохоор бэлгүүд нь барилгынханд хэрэгтэй “нүдээ олсон” бэлэгнүүд байлаа.
Ингээд “Барилгын тоног төхөөрөмж танилцуулах” өдөрлөгийн талаар “Вагнер Ази Тоног Төхөөрөмж” ХХК-ийн Түрээс болон Ашиглагдсан Тоног Төхөөрөмжийн хэлтсийн захирал Г.Цэлмүүнээс тодрууллаа
Өнөөдрийн энэ өдөрлөгийн гол зорилго нь юу вэ?
Энэ өдөрлөгийн гол зорилго нь Монголын барилгын зах зээлд хараахан нэвтрээгүй байгаа шинэ дэвшилтэт техник технологийг танилцуулахад оршиж байгаа. Барилгын ажил улиралын чанартай богино хугацаанд их ажил амжуулах шаардлага гардаг. Тийм учраас хүний үйл ажиллагааг аль болох хөнгөвчлөх, хурдан хугацаанд их ажил амжуулах барилгын тоног төхөөрөмжүүдийг танилцуулж байна.Одоо “Вагнер Ази Тоног Төхөөрөмж” ХХК хэд орчим тоног төхөөрөмж оруулж ирээд байна вэ?
Манай компани одоогоор 100 гаруй тоног төхөөрөмжийг барилгын салбарынханд зориулан оруулж ирээд байна. Суурийн ажлаас эхлээд дээврийн ажил хүртэлх бүх төрлийн тоног төхөөрөмжийг оруулж ирсэн байгаа.