“Barilga Basketball-2012”-ийн аваргууд тодорлоо
Барилгын салбарын төрийн болон төрийн бус байгууллагууд хамтран эх орны бүтээн байгуулалт, өнгө төрх, хөгжил дэвшлийн төлөө амрах ч завгүй ажилладаг барилгын салбарын аж ахуйн нэгж, байгууллага компаниудыг ажлын ачааллаас түр ч болов холдон нэг өдрийг спортын төрлөөр өрсөлдөн өнгөрөөх боломжийг бүрдүүлэх зорилгоор салбарын сагсан бөмбөгийн аврага шалгаруулах тэмцээнийг 2 дахь жилдээ “Ихийг бүтээгч эвсэг хамт олон” уриан дор Тэмүүжин спорт клубт 2012оны 03сарын -03нд амжилттай зохион байгууллагдаж өндөрлөлөө.
Өмнөх жилийн тэмцээнтэй харьцуулахад энэ жил багуудын тоглолт өрсөлдөөнтэй, хүчтэй байснаас гадна компаниуд жил ирэх бүр тэмцээндээ ихээхэн ач холбогдол өгч байгаа нь багуудын хувцасны жигдрэл, бэлтгэлээс харагдаж байлаа. Аливаа зүйлд өрсөлдөөн гэдэг зайлшгүй байдаг. Тэр дундаа спортын төрлүүд илүү их үзэгчидтэй, өрсөлдөөнтэй явагддаг. Нэг салбарт эх орныхоо бүтээн байгуулалтын төлөө зүтгэж байгаа хүмүүст дуртай спортоороо дамжуулан танилцан, нөхөрлөх боломжийг бүрдүүлж өгч байгаагаараа энэ тэмцээний бас нэгэн давуу тал оршиж байгаа юм.
Барилгынхан биллиард, сагс гээд спортын төрлүүдэд хэнээс дутахааргүй авъяастай, чадалтай хүмүүс юм. Барилгаа ч барина спортоороо ч хичээллэнэ. Аливаа спортын төрлөөс хөл бөмбөг, сагсан бөмбөг хамгийн хүчтэй хөгжөөн дэмжигчидтэй байдаг. Энэ жил хөгжөөн дэмжигчид хуванцар савыг хашраах шиг болсон шүү. Харин “ганц дайчин ганцаардахгүй” гэдгийг “Акватрон Ач” компанийн хөгжөөн дэмжигч харуулаад авна лээ. Дараа жил хүртэл Орос хэлний мэдлэгээ илүү сайжруулж байгаад хүч нэмнээ. Мөн “Өндөрбуянт холдинг” ХХК-ийн хөгжөөн дэмжигчид хүчтэй, сүртэй байлаа.
Мөн үзэгчдийг хамгийн их шуугиулсан тоглолтоор MCS-Бридж, Их Модун-Монхидрон констракшн, Суруга Монгол-Өндөрбуянт багуудын тоглолт байлаа.
“Barilga basketball-2012” барилгын салбарын аврага шалгаруулах тэмцээнд энэ жил эрэгтэй 21 баг, эмэгтэй 4 баг оролцсон бөгөөд яван чангарна гэгчээр багуудын сүүлийн тоглолтууд ширүүхэн өрсөлдөөнтэй болж өнгөрсөн юм.
Ингээд “Barilga basketball-2012” барилгын сагсан бөмбөгийн аварга баг цомын эзнээр
Эрэгтэй 1-р байр “Өндөрбуянт холдинг” ХХК-ийн баг
2-р байр. “MCS Property”LLC-ийн баг
3-р байр. “Суруга Монгол” ХХК-ийн баг
Эмэгтэй 1-р байр “Монхидрон консштракшн” ХХК
2-р байр ГХБГЗЗГазар
3-р байр “Набсан” ХХК
Шилдэг эмэгтэй тоглогчоор ГХБГЗЗГ-ын ХАБЭА-н мэргэжилтэн Б.Батхишиг
Шилдэг эрэгтэй тоглогчоор “Өндөрбуянт холдинг”ХХК-ийн жолооч Б.Бат-Орших шалгарлаа
Шилдэг хөгжөөн дэмжигч байгууллагаар “Өндөрбуянт холдинг”ХХК
“Ихийг бүтээгч эвсэг хамт олон” салбарын сагсан бөмбөгийн аварга шалгаруулах тэмцээний ерөнхий зохион байгууллагчаар “Барилга.МН” БЗМТөв, хамтран зохион байгууллагчаар ЗТБХБЯ, ГХБГЗЗГ болон МБХ, МБИХ, МБҮА ажилласан юм. "Barilga basketball-2012" тэмцээний ерөнхий ивээн тэтгэгчээр "Өндөрбуянт холдинг" ХХК оролцож салбарынхаа спортын өдрийг дэмжлээ. Ирэх жилийн сагсан бөмбөгийн аврага шалгаруулах тэмцээнд илүү их эрч хүч, бүтээн байгуулалтын арвин түүхтэйгээр эргэн уулзацгаая.