БНСУ, Монголын хамтарсан хөрөнгө оруулалтаар байгууулагдсан KGBMGL компани нь ачаа тээвэр, гадаад худалдааны чиглэлээр үйд ажиллагаагаа эхлэхийн хамт тус компанийн нэгэн брэнд болох Yes2404 буюу айл, албан байгууллагыг мэргэжлийн хэмжээнд, чанарын өндөр түвшинд нүүлгэх үйлчилгээ үзүүлэн ажиллаж байна. Монголчууд малын бэлчээрээ даган эртнээс нааш жилийн 4 улирлын турш нүүдэллэж ирсэн, нүүдлийн соёлтой ард түмэн учир "нүүх" гэдэг та бидний хувьд энгийн хялбар зүйл мэт санагдаж магадгүй юм. Гэтэл "нүүх, нүүнэ" гэдэг нь эд хогшлоо хэрхэн баглаж боогоод хаа нэгтэйгээс машин хөлслөөд эсвэл танилынхаа машинд ачаад нэг цэгээс нөгөө цэг рүү хүргэдэг болхи байдлаасаа гарч өнөөгийн иргэншиж хотожсон нийгэмд үйлчилгээний нэгэн шинэхэн чиглэл болтлоо хөгжиж байна. Ажлын ачаалалтай, цаг зав хомс, өөр чухал ажилтай байхад "нүүнэ" гэдэг үнэндээ СТРЕСС дагуулсан зүйл мөн билээ. Эд хогшлоо хэрхэн баглах билээ, хайрцаг сав хаанаас олох вэ, ачих зөөх унаа хөсөг юу билээ, үнэ цэнэтэй зүйлсээ ачиж буулгахдаа эвдэлчих вий, хэнээр зөөлгөх вэ, нүүсэн хойноо гэр орноо хэрхэн цэвэрлэх билээ гээд олон дарамттай асуудлууд нүүх дөхөөд ирэхээр хөвөрдөг. Гэтэл таныг ажил төрөлдөө яваад ирэхэд энэ бүх ажлыг хийгээд гүйцэтгэчихсэн, бүх юм таны бодож санасны дагуу цэвэрхэн, байх ёстой байр байрандаа байж, гэр орон, албан тасалгаа тань таны хүссэн байдлаар засагдсан байвал та тун сэтгэл хангалуун байх сан.

Арваад жилийн өмнө Солонгост очин ажил хөдөлмөр хийж, гэр орноо тэтгэж байсан дөрвөн залуу Солонгосын айл гэр, албан газар нүүлгэдэг нэг компанид ажилладаг байж. Тэрхүү ажил төрөлдөө ч туйлын сэтгэл хангалуун, солонгосчууд ч үйлчлүүлэх зэгсэн дуртай болохыг анзаарсан эдгээр залуус хэзээ нэгэн цагт эх орондоо ийм үйлчилгээг эрхлэх юм сан гэж хэлэлцэн ярилцдаг байж. Арван жилтийн дараа тэдгээр залуусын мөрөөдөл биелж, тэд Солонгосын KGB компанитай 50:50 хувийн хөрөнгө оруулалттайгаар KGBMGL компаниа нээж, үйл ажиллагаагаа эхлээд байна.

 KGB групп нь адил төстэй үйл ажиллагаа эрхэлдэг байгууллагууд дундаас нүүлгэлтийн салбарт хамгийн анхны олон улсын ISO 9001 чанарын удирдлагын батламжийг хүртсэн, БНСУ-ын үйлчилгээний шилдэг брэнд шагналыг олонтаа хүртсэн ХАМГИЙН ШИЛДЭГ тээврийн групп юм. KGBMGL компани нь тус группийн нүүлгэх мэргэжлийн "Yes 2404" брэнд үйлчилгээг Монголдоо анх удаа нэвтрүүлснээр нүүлгэлтийн цоо шинэ соёлыг бий болгож байна.

Тус компани ажилчдаа мэргэжлийн багаар бүрдүүлж чаджээ. Тухайлбал, нэгдсэн дүрэмт хувцсаар ажилчдаа ижилсүүлэн, таних тэмдэг бүхий машин техник хэрэгсэл, зориулалтын хайрцаг сав, баглаа боодлыг санал болгож байгаа аж. Хамгийн наад зах нь л гэхэд ариун цэврийн эд хэрэгслийг ягаан өнгийн хайрцагт, гутлыг хар өнгийн хайрцагт зэргээр ангилан хийж зөөхөөс гадна буйдангийн уут, угаалгын машин, LCD зурагтны хайрцаг, тэр бүү хэл төгөлдөр хуурын зориулалтын уут ч бэлэн байх юм. Мөн тус компани өөрийн таних тэмдэг бүхий бүхээгтэй, 1 тонны даацтай 11 куб метр эзлэхүүнтэй зориулалтын автомашиныг түрээслэх юм байна.

Тэд энгийн, пужан болон албан газар нүүлгэх гэсэн гурван төрлийн нүүлгэлтийг санал болгож байгаа юм байна. Энгийн нүүлгэлт гэдэг нь үйлчлүүлэгч таны боож баглан, савласан ачааг ачааны машинаар ачигчийн хамт очин найдвартай түргэн шуурхай тээвэрлэх үйлчилгээ юм байна. Харин пужан нүүлгэлт гэдэг нь /пужан гэдэг нь "баглаж боох" гэсэн утгатай солонгос үг/ таны гэрийн эд хогшил, тавилга, аяга шаазан, хувцас хунар зэрэг бүхий л хэрэгцээт зүйлсийг элдэв зүйлд шүргэн зураас гаргах, хагарч гэмтэх аюулаас 100 хувь хамгаалан, зориулалтын хайрцаг саванд баглан тээвэрлэхийг хэлдэг аж. Таны нүүн орж байгаа шинэ гэр оронд тань эд хогшлыг таны хүссэн байрлалд байрлуулахаас гадна нүүлгэлтийн явцад гарсан хог хаягдал, тоос шороог цэвэрлэн, нүүдлийн бүхий л үйл ажиллагааг чанарын өндөр түвшинд хийж гүйцэтгэх юм байна. Албан байгууллага нүүлгэх үйлчилгээ нь байгууллагын нууцыг чандлан сахиж, тухайн байгууламжийн үйл ажиллагаанд саад учруулахгүйгээр түргэн шуурхай үйлчлэх бөгөөд бүх техник хэрэгсэл, тавилгуудыг зөв арга техникийн дагуу салган эвдэрч гэмтэх, зурагдахаас хамгаалсан баглаа боодлоор боож, хүрэх газарт нь хүргээд бүгдийг урьдын байрлалын дагуу эсвэл үйлчлүүлэгчээс гаргаж өгсөн план зургийн дагуу байрлуулж өгдөг байна.

Нүүнэ гэдэг Амар болжээ! YES2404

Захиалгын утас: 5011-2404, 7017-2404

Цахим хаяг: http://yes2404.mn