Сэтгүүлийн маань байнгын уншигч таньтай шинэхэн дугаараараа бэлэг барин уулзаж байгаадаа баяртай байна. Бид энэ дугаараа зуны урин дулаан цаг ирж буйтай холбогдуулан илүү баялаг, илүү өнгөлөг, илүү сонирхолтой хийхийг хичээлээ.

Бид энэ дугаартаа зуны гоёмсог сүүдрэвч хэрхэн хийх, амины орон сууцаа хэрхэн сонгох гээд хэн бүхний хэрэгцээг хангахуйц мэдээ, нийтлэлүүдийг бичсэн байгаа.

Барилгын салбарт тулгамдаад буй асуудлууд, шинээр батлагдсан хууль тогтоомж, мэргэжилтнүүдийн үнэтэй зөвлөгөө гээд барилгын салбарын тогоонд чанагдаж яваа мэргэжил нэгтнүүддээ хэрэгтэй, гарын авлага болохуйц үнэтэй мэдээллээр сэтгүүлээ баяжууллаа.

Уламжлал ёсоор шинэ орон сууц, барилгын материал, банкны зээлийн хүү, шинэ үйлчилгээ, хэрэгсэлүүдийн мэдээллийг дэлгэрэнгүй оруулсан байгаа.

Уншигчдынхаа хүсэлтийн дагуу зуны амралтаа хаана, хэрхэн өнгөрөөх сонирхолтой сонголтууд, интерьер, архитектурын гайхамшигт бүтээлүүд гээд олон олон зөвлөгөө нийтлэл бүхий сэтгүүлийнхээ шинэхэн дугаарыг хүргэж байна.

Барилга.МH сэтгүүлийн редакци

Сэтгүүлээ захиалан авахыг хүсвэл 7711-1777, 9100-0222 утсаар холбоо барина уу?