Бага тойруугийн  Анкарагийн гудамж буюу Зоос гоёлын уулзварын хойд талаас СУИС-ийн зүүн урд уулзварын баруун тал хүртэлх замын ажил дуусаж,  өнөө өглөө тус замд хөдөлгөөн нээгээд байна. Мөн өнөөдөр 10-р хорооллын уулзвараас Саппорогийн аюулгүйн тойрог хүртэлх 1.2 км авто замын шинэчлэлтийн ажил дуусч үдээс хойш уг замыг нээхээр байв. Гэвч бороо орж буйгаас шалтгаалан зам дээр хэвтээ тэмдэглэгээ хийж болохгүй байгаа юм байна. Үдээс хойш нар гарвал маргааш өглөө 10-р хорооллын зам нээгдэнэ. Түүнчлэн таван шарын төмөр замын фрезертэй уулзвараас Сонсголон хүртэлх замын ажил дуусчээ.