АНУ-ын Лос Анжелос хотноо байрлах энэхүү 57 мянган метр квадрат байшинг Их Британийн нэгэн залуухан өв залгамжлагч бүсгүй худалдан авчээ.

Олны хэл амыг багагүй дагуулсан энэхүү цамхагт боулингийн талбай, гоо сайхны салон, 100 машины зогсоол гээд хүнд хэрэгтэй бараг бүхий л зүйлс бий.

Цамхагийн эзэн бүсгүй Петра Лондон болон Лос Анжелос дахь цамхаг хооронд амьдрахаар төлөвлөж байгаагаа хэвлэлийнхэнд ярьжээ. Одоо 22 настай өсөх ирээдүйтэй оддын нэгээр тодроод буй Петра нь Их Британийн тэргүүн баян, Формула нэгийн эзэн Берни Эклестоны ганц охин юм.

Харин байшин худалдаалагчийн хувьд АНУ-ын нэрт продюсер Спеллингийн эхнэр байсан ба тэд 1980 онд энэхүү байшинг худалдан аваад 1991 оныг хүртэл засвар хийж жинхэнэ Франц маягийн цамхаг бүтээхээр ажилласан гэдэг.

Нөхрийнхөө алдартай бүтээлүүдийг хадгалсан томоохон номын сан, Хятад өрөө, Хунтайж Чарльзын өрөө гээд дэлхийн өнцөг булан бүрт байрлах бүхий л гайхамшгийг байшиндаа шингээж чадсанаараа бахархдаг гэнэ.

Байшинг албан ёсоор 2008 онд нээлттэй болгож 2009 оноос худалдаалахаар шийдвэрлэжээ.

Хамгийн үнэтэй хаусаар тодроод байсан энэхүү цамхагийг 100  сая доллараар авах саналыг Оросын хөрөнгө оруулагч Юри Милнер энэ оны эхээр тавьсан ч худалдаалагч зөвшөөрөөгүй аж.

Петрагийн хувьд Английн Лондон хотноо байрлах 6 унтлагын өрөө бүхий 90 сая долларын үнэтэй Хаустай бөгөөд худалдан авалтандаа үнэхээр сэтгэл хангалуун байгаа аж.