2011.06.14-ны 22 цагаас 06.20-ны 7 цаг хүртэлх хугацаанд:
Залуучуудын өргөн чөлөөнд “Засгийн газрын зүүн хойд уулзвараас баруун хойд уулзвар” хооронд автозамын хөдөлгөөнийг хааж, өргөтгөл шинэчлэлтийн ажил хийхтэй холбогдуулан нийтийн тээврийн үйлчилгээний автобусны хөдөлгөөнд дараах өөрчлөлт орж байна.Үүнд:
1) М:6 “Өнөр хороолол-ХӨСҮТөв”,
М:10 “3,4-р хороолол-Сансар”,
М:15 “Баруун салаа-МУИС-БЗД-ын 6-р хороо”,
М:21 ”3,4-р хороолол-ХӨСҮТөв”,
М:26 ”Их наран-МУБИС”,
М:35 “Мах импекс-Улаанхуаран” гэсэн чиглэлүүдийн автобус баруун чиглэлээс ирэхдээ Засгийн газрын баруун хойд уулзвараар хойш эргэн Сүхбаатарын гудамжинд орон Бага тойруугийн замаар явж, 4-р дэлгүүрийн урд уулзвараас Их сургуулийн гудамжинд орж Засгийн газрын зүүн хойд уулзвар хүрч тус тусын үндсэн чиглэлээр явна.

2) М:5 ”Баянхошуу-МУБИС”,
М:8 “Яармаг-МУБИС”,
М:10 ”Сансар-3,4-р хороолол”,
М:11 ”Нисэх-МУБИС”,
М:35 ”Мах импекс-Улаанхуаран” гэсэн чиглэлийн автобуснууд зүүн чиглэлээс ирэхдээ Засгийн газрын зүүн хойд уулзвараас баруун гар тийш эргэн Их сургуулийн гудамжинд орон Бага тойруугийн замаар явж, Метро Молл их дэлгүүрийн баруун урд уулзвараас Сүхбаатарын гудамжинд орж яван Засгийн газрын баруун хойд уулзвар хүрч үндсэн чиглэлээр явна.

Зам засвараас үүдэн зарим чиглэлд өөрчлөлт оржээ.
Хүнсний 1-р дэлгүүрийн уулзвараас Цаг уурын уулзвар хооронд 6-р сарын 15-ны шөнөөс 20-ны өглөө хүртэл хааж зам засварын ажил хийх болсон тул нийтийн тээврийн үйлчилгээний автобуснууд доорх түр замналаар явна.
Хойноос урагш болон урдаас хойш чиглэлд Хүнсний 1-р дэлгүүрийн уулзвараас Цаг уурын уулзвар хооронд дайран өнгөрдөг чиглэлүүдэд даоаах өөрчлөлт орж байна. Үүнд:
М:3 “Үйлдвэр - 7 буудал – Бэлх”,
М:7 “Зайсан - Цэцэг төв - 11- р хороолол”,
М:16 “Хайлааст- МУБИС”,
М:18 “Зүрх уул - Чингэлтэй – МУБИС”,
М:33 “Зайсан-ЗГАБ-Согоотын гудамж” чиглэлүүд СУИС-ын уулзвар, Төв музейн уулзвараар чигээрээ нэвт явж, Хувьсгалын музейн уулзвар /ЗГ-ын ордоны баруун талд/ баруун эргэж, Жуулчны гудамж руу ороод Цаг уурын уулзвараар урагш эргэж үндсэн чиглэлээрээ явна. Мөн: М:8 “Яармаг – МУБИС”,
М:11 “Нисэх - МУБИС“ чиглэлүүд Төв музейн уулзвараар урагш эргэж Сүхбаатарын гудамжаар явж, Хувьсгалын музейн уулзвар /ЗГ-ын ордоны баруун талд/ Жуулчны гудамж руу орж, Цаг уурын уулзвараар урагш эргэж үндсэн чиглэлдээ орно.Түүнчлэн: М:17 ” Орбит- Тэнгис кино театр - Ард “,
М:19 “Ээрмэл-Баруун хүрээ хороолол”,
М:22 “Нисэх,Сонсголон - Тэнгис кинотеатр – Ард”,
М:25 “Баянхошуу - МҮЭСТО”,
М:37” Нарангийн гол -ЧД-Ард кино театр-ЭТНО” чиглэлүүд ТЭДИ төвөөр урагш эргэж, Урт цагааны уулзвараар зүүн эргээд, Цаг уурын уулзвараар урагш эргэж үндсэн чиглэлдээ орно гэж Нийтийн тээврийн газраас мэдээллээ.

Нийтийн тээврийн газар