Мэдээлэл технологи эрчимтэй хөгжиж, 21-р зуурыг интернэтийн эрин зуун гэгдэж байна. Бүх мэдээлэл интернэтэд төвлөрч, цаг хугацаа орон зайнаас үл хамааран, хаанаас хэзээ ч хүссэн мэдээлэлээ интернэтээс авах боломжтой болсон. Монгол улсад “Орчин цагийн харилцаа холбооны салбар үүсч хөгжсөний 90 жилийн ой” болон “Цахилгаан холбоо, мэдээлэлжсэн нийгмийн дэлхийн өдөр”-ийг тэмдэглэн өнгөрүүлэх ажлын хүрээнд  “ICT 90 EXPO-2011” үзэсгэлэн худалдаа уламжлал болон 6 дахь жилдээ зохион байгуулагдах гэж байна.

Ерөнхий ивээн тэтгэгчээр Мобиком Карпораци ажиллаж байна.

Үзэсгэлэнгийн зорилго

• Монгол Улсад Мэдээлэл, шуудан, харилцаа холбоо, технологийн салбар үүсч хөгжсөний 90 жилийн ойг тэмдэглэн өнгөрүүлэх;
• Түүхт 90 жилийн хугацаанд гарсан ололт амжилт, өнөөгийн бодит байдал, техник технологийн дэвшлийг таниулан сурталчлах, хэрэглээг дэмжих;
• Салбарын сүүлийн үеийн хөгжлийн хандлага, хэрэглэгчдийн хэрэгцээ шаардлагыг тодорхойлох, хангах;
• Салбарын байгууллагуудын үйл ажиллагааг дэмжих, зах зээлийг өргөжүүлэх;

Хамрах хүрээ

• Олон улсын хэмжээд танигдсан харилцаа холбооны тоног төхөөрөмж үйлдвэрлэгч болон программ хангамжийн байгууллагууд
• Салбарт үйл ажиллагаа явуулж байгаа бүх байгууллагууд

Хамтран зохион байгуулагчид:

• Харилцаа холбооны зохицуулах хороо
• Мэдээлэл технологийн үндэсний парк
• Монголын Залуу Програм Зохиогчдын Холбоо
• Мишээл экспо төв

Түүнлчлэн “ICT 90 EXPO-2011” үзэсгэлэн худалдаанд Barilga.MN  сайтын 3,0 буюу шинэ хувилбараараа оролцож харилцагч үйлчлүүлэгчиддээ танилцуулахаар бэлдээд байна. Та бүхэн сайттай холбоотой нэгдсэн мэдээлэл авахыг хүсвэл 2011.05.27-30-ны өдрүүдэд Мишээл экспод хүрэлцэн ирээрэй.