Барилгын салбарын мэргэжлийн сургалт үйлдвэрлэлийн багш сурагчдын дунд жил бүр уламжлал болон зохион байгуулагддаг ур чадварын улсын уралдаан энэ жил “Бидний мэргэжил Бидний бахархал” нэрийн дор өнөөдөр нээлтээ хийлээ.
Энэ жилийн ур чадварын улсын уралдаан сантехник, өрөгийн мэргэжлээр болох бөгөөд Ховд, Хөвсгөл, Дундговь зэрэг аймаг, нийслэлийн 11 сургуулийн багш сурагчид оролцож байгаа аж.
Уралдааныг шүүгчээр МУ-ын гавъяат барилгачин МУ-ын зөвлөх инженер Д.Намсрай, ШУТИС-ын УБ дах Политехникийн коллежийн Сургалтын албаны дарга Б.Алтмаа, “Од Орд” ХХК-ын захирал МУ-ын зөвлөх инженер Д.Одхүү, Нью виндов ХХк-ын захирал Ч.Наран нар ажиллаж байна.
Уралдааны ерөнхий зохион байгуулагчаар Тлейханы нэрэмжит Политехникийн коллеж ажиллаж байгаа аж. “Бидний мэргэжил Бидний бахархал -2011” ур чадварын улсын уралдаан хоёр өдөр явагдаж маргааш өндөрлөнө.