“Бидний мэргэжил Бидний бахархал -2011” ур чадварын улсын уралдаан өндөрлөлөө

“Бидний мэргэжил Бидний бахархал -2011” ур чадварын улсын уралдаан өндөрлөлөө

Мэргэжилтэй боловсон хүчин бэлтгэдэг МСҮТ-ийн багш сурагчдын дунд жил бүр уламжлал болон зохиогддог ур чадварын улсын уралдаан “Бидний мэргэжил Бидний бахархал -2011” нэрийн дор хоёр өдөр болж аваргаа тодрууллаа.
Энэ жилийн хувьд сантехник, өргөн мэргэжлээр зохиогдож нийт 11 сургуулийн багш сурагчид оролцсон. 
Өргийн мэргэжлийн уралдаан барилгын талбайд явагдаж сурагчдын төрөлд ШУТИС-ын Политехник коллежийн 2б ангийн сурагч Э.Батжаргал тэргүүлж алтан медалийн эзэн боллоо. Дэд байрын эздээр Дархан хотын  МСҮТ-ийн сурагч Б.Дашдаваа, Техник технологийн коллежийн сурагч С.Ганхуяг нар шалгарч мөнгө хүрэл медаль хүртлээ.
Багш нарын өргийн төрлөөр Техник технологийн коллежийн багш Э.Амарбат тэргүүлж, Дархан хотын Дархан Өргөө коллежийн С.Чинбаатар, Дундговь аймгийн МСҮТ-ийн багш П.Билгээ нар удаалсан.
Харин сантехникийн мэргэжлээр багш сурагчид маань сургалтын танхимын дадлагын тоног төхөөрөмж ашиглан ур чадвараа уралдуулсан. Тэмцээний ялагчаар сурагчдын төрөлд Дархан хотын Дархан Өргөө коллежийн сурагч Б.Лувсандорж тэргүүлж, ШУТИС-ын Политехник коллежийн А.Хашбуян, Дархан МСҮТ-ийн сурагч Б.Бөхбат нар удаалан бусдаа манлайллаа.
Сантехникийн мэргэжлийн багш нарын төрөлд Дархан Хотын МСҮТ-ийн багш Н.Батаа манлайлан Дархан хотын Дархан Өргөө коллежийн багш Б.Галсандэндэв, Техник технологийн коллежийн багш М.Бямбасүрэн нар удаалав.
Тэмцээний аваргуудаас сэтгэгдэлийг нь авсанаа уншигч та бүхэндээ хүргэе.

 

Сантехникийн мэргэжлийн уралдааны тэргүүн байрын шагналт Дархан хотын Дархан Өргөө коллежийн сурагч Б.Лувсандорж: Багш нартаа баярлалаа
- Юуны өмнө тэргүүн байр эзэлсэнд тань баяр хүргэе. Сэтгэгдлээсээ хуваалцахгүй юу?
- Тэргүүн байр эзэлсэндээ сэтгэл хангалуун байна. Маш их баяртай байна. Багш сургуулийн хамт олон гэр бүлийнхэндээ баярлалаа гэж хэлье.
- Анх удаа оролцож байгаа юу? Өмнө нь ийм төрлийн уралдаан тэмцээнд оролцож байсан уу?
- Анх удаа оролцож байгаа. Өмнө нь сургуулийнхаа хэмжээнд энэ чиглэлээр оролцоод түрүүлээд улсын хэмжээнд ур чадварын улсын уралдаанд оролцох эрх авсан.
- Тэмцээний явцад хүндрэл бэрхшээлтэй зүйл гарсан уу?
- Манай сургуулийн хувьд тоног төхөөрөмжийн шинэчлэл хийгдсэн байсан учраас тэр тал дээр ямар нэг хүндрэлтэй зүйл тулгараагүй ээ.
- Сэтгэгдлээ хувалцсанд баярлалаа. Цаашдын сурлага хөдөлмөрт чинь амжилт хүсье.
- Баярлалаа

 

 

 

 

 

 

 

 

 

 

Сантехникийн мэргэжлийн урладааны дэд байрын шагналт Дархан хотын Дархан Өргөө коллежийн сантехникийн багш Б.Галсандэндэв: Шинэ техник технологийг өргөнөөр нэвтрүүлэх хэрэгтэй санагдлаа
- Юуны өмнө баяр хүргэе. Сэтгэгдлээсээ хуваалцахгүй юу?
- Баярлалаа. Би Дархан хотын Дархан Өргөө сургуулиа төлөөлөлөн ур чадварын улсын уралдаанд сантехникийн чиглэлээр оролцож мөнгөн медаль хүртлээ. Миний шавь сантехникийн чиглэлээр алтан медалийн эзэн боллоо.
- Өмнөх жилийн тэмцээнүүдэд оролцож байв уу?
- Өмнөх жилийн тэмцээнүүдэд орж байсан. 2010 онд шагналт 4-р байрт орж байсан. Энэ жил амжилтаа ахиулж чадсандаа баяртай байна.
- Дараа дараагийн жилүүдэд юу анхаармаар санагдав?
- Сантехникийн чиглэлээр олон шинэ техник технологи нэвтэрч байгаа. тэр бүхнийг судалж сургаж оролцдог болох хэрэгтэй санагдлаа. Тэгж байж олон улсын жишигт нийцсэн бараа материал, технологи ашиглахмэдлэг чадвар бүхий мэргэжилтэй боловсон хүчин бэлтгэн гаргах боломжтой болох юм.
- Сэтгэгдлээ хуваалцсан танд баярлалаа. Ажлын өндөр амжилт хүсье.

 

 

 

 

 


Өргөн мэргэжлийн уралдааны тэргүүн байрын шагналт Техник технологийн коллежийн багш Э. Амарбат:  Зохион байгуулалт сайтай сайхан тэмцээн болж өнгөрлөө
    -  Тэмцээний тэргүүн байр эзэлсэн чамд баяр хүргэ? Сэтгэгдлээсээ хуваалцна уу?
    -Анх удаа улсын ур чадварын уралдаанд оролцоод тэргүүн байр эзэлсэндээ баяртай байна. Сэтгэгдэл өндөр байна. Залуу хүний хувьд улсын чанартай том тэмцээнд түрүүлсэндээ маш их баяртай байна. Энэ уралдаанд оролцож ийм амжилт гаргахад миний хамт олон багш сурагчид их тусалсан. Тэд нартаа баярлалаа гэж хэлье дээ.
    - Хэдэн жил багшилж байгаа вэ?
    - Хоёр дах жилдээ багшилж байна.
    - Өрсөлдөгчидийн хувьд хэр хүчтэй байв?
    - Өрсөлдөгчидийн хувьд маш хүчтэй ойролцоо оноогоор оролцсон. Ур чадварын хувьд маш сайн багш нар байсан. Гэхдээ ур чадвараа гаргаж хөдөлмөр зарцуулж байж түрүүллээ.
    - Хүндрэл бэрхшээлтэй зүйл тулгарч байв уу?
     - Хүндрэл бэрхшээлтэй зүйл тулгарсангүй. Зохион байгуулалт сайтай сайхан тэмцээн болж өнгөрлөө гэж бодож байна.
    - Шүүгчдийн хувьд ямар сэтгэгдэлтэй байна?
    - Шүүгчидийн хувьд маш сайн ажилласан. Арав гаруй үзүүлэлтээр маш нарийн шүүсэн. Сэтгэл хангалуун байгаа. Санал гомдол гараагүй.
    - Үе тэнгийн мэргэжил нэгт залуусдаа хандаж юу хэлэх вэ?
     - Ажилын амжилт хүсье. Мэргэжилдээ дуртай байж хүссэн амжилтандаа хүрээрэй гэж хэлье дээ.
    - Сэтгэгдлээ хуваалцсан чамд баярлалаа. Олон сайн шавьтай болоорой гэж ерөөе.
    - Баярлалаа.


Өргөн мэргэжлийн улсын уралдааны тэргүүн байрын шагналт ШУТИС-ийн Политехник коллежийн сурагч Э.Батжаргал: Мэргэжилдээ дуртай болохоор хүндрал бэрхшээл тулгараагүй
    - Тэргүүн байрын эзэн болсонд баяр хүргэе. Сэтгэгдлээ хуваалцана уу?
    - Баярлалаа. Өндөр сэтгэгдэлтэй байна.
    -  Өмнө нь ямар уралдаан тэмцээнд оролцож байсан вэ?
    - Өмнө нь улсын чанартай тэмцээн уралдаанд оролцож байгаагүй. Энэ удаад сургуулиасаа шалгараад энэ тэмцээнд оролцож тэргүүн байр эзэлсэндээ сэтгэл хангалуун байна.
    - Тэмцээний тухайд хүндрэл бэрхшэээлтэй зүйл гарсан уу?
    - Ямар нэг хүндрэлтэй зүйл тохиолдоогүй ээ. Мэргэжилдээ дуртай учраас ямар нэг саад бэрхшээл гарсангүй.
    - Өрсөлдөгчдийн хувьд хэр хүчтэй байсан бэ?
    - Бүгд жигдхэн хүчтэй өрсөлдөгчид байсан. Мэдсэн сурсан бүхнээ зориулж гаргаж байж түрүүлсэндээ баяртай байгаа.
    - Сэтгэгдлээ хуваалцсан чамд баярлалаа. Сурлагын амжилт хүсье.
    - Баярлалаа.

Тэмцээний шүүгчдээр МУ-ын Гавъяат барилгачин, Зөвлөх инженер Д.Намсрай, Зөвлөх инженр Д.Одхүү, инженер С.Гажсүрэн, инженер Ц.Мягмардорж нар ажилласан байна.

Холбоотой мэдээ