Барилгын технологи одоо маш хурдацтай хөгжиж баина. Иймээс ойрын ирээдүйд босох барилга байгууламжууд үлгэрийн мэт, уран зөгнөлт номын хуудаснаас буугаад ирсэн мэт харагдах болно. Ирээдүйн барилгуудаас танилцуулж байна.

1. Малайзын "Глобал сити" төв барих хэлэлцээр олон сар үргэлжилсний эцэст гарын үсэг зурах эцсийн шатандаа яваа.

Энэ гайхалтай төслийн барилгын ажил тун удахгүй эхэлнэ. Түүнийг барихад дор хаяж 15 жил шаардлагатай.

2. Дэлхийн хамгийн өндөр орон сууцны барилга нь барууны ертөнцөд хамгийн өндөр нь болно. Газар өрөмддөг өрөм шиг дизайнтай, өндөр нь 609 метр. Энэ цамхгийг 2010 онд барьж дуусгана.

3. "ССТУ" кабелийн сувгийн барилга даруухан, ердөө 334 м. Гэхдээ маш гайхамшигт дизайнтай. Тонгоруулсан "Z" үсэг шиг барилга Бээжинийн тэнгэрийг 2008 оны Олимпийн үеэр чимнэ. Шал нь шилэн байвал янзтай даа.

4.2012онд Оросын цамхаг баригдаж дуусан. Европод хамгийн өндөр болно. Тэрээр Эйфелийн цамхгаас хоёр дахин өндөр бөгөөд түүн дээрээс Оросын нийслэл бүхэлдээ харагдана. "Fоster & partners" компанийн дизайнаар бүтээсэн энэ талст мангасын барилгын ажил хэдийнэ эхэлжээ.

5. Энэтхэгийн Антилийн шилтгээний барилга хэл амтай эхэлжээ. Сөрөг хүчин "Хүн амын 65 хувь нь борчуулын хороололд амьдарч байхад ийм тансаг барилга тохиромжгүй" гэж эсэргүүцэж байв. Энэ барилга яг "IКЕА" дискийн цүнх шиг. Онцгой бөгөөд орчин үеийн архитектурын шинэ бүтээл.

6. Жакартын "Регата" буудлыг далайн стилиэр бүтээжээ. Зохион бүтээгчдийн үзэж буйгаар 10 бяцхан цамхаг нь хөвж буй хөлөг онгоц, том нь тэнгисийн гэрэлт цамхаг гэнэ.

7. Арабын Нэгдсэн Эмират улсын "Бурж Дубай" нь үнэхээр аварга том байгууламж 818 метрөндөр барилгыг дараа жил барьж дуусгана. Энэ бол манай гаригийн хүний гараар бүтсэн хамгийн том байгууламж болно.

8. Америкийн Чикаго хотод босох цамхагийг 2009 онд барьж дуусна. Хэдийгээр уламжлалт барилгатай жаахан төстэй байх ч тагтан дээрхи долгионууд нь түүнийг хэлбэр дүрсээ хувиргадаг мэт сэтгэгдэл төрүүлнэ.

9. Харин Санкт-Петербургт босох "Газпром"-ын төв байр болох шилэн барилга нарны байрлалаас хамаарч, өдөрт 10 удаа өнгөө солино. Түүний өндөр нь 300 метр.