Барилгын салбарын ажил ид өрнөж эхэлсэн энэ үед салбарын цаг үеийн мэдээлэл, асуудал дэвшүүлсэн нийтлэл болоод заавар зөвлөгөө бүхнийг багтаасан шинэ дугаараа өргөн барьж байгаадаа баяртай байна.

Шинэ дугаараа салбарын хэмжээнд жилд нэг удаа зохиогддог Удирдах ажилтны зөвлөгөөнд зориулан бэлтгэн гаргалаа.

Бид энэ удаад барилгын чанарын асуудал, барилгачдын нийгмийн байдлыг хөндөхийн сацуу ахмад барилгачин, ББМҮЯ-ны сайд агсан Л.Цэрэндондогтой барилгын салбарын өнгөрсөн, одоо, ирээдүйн талаар дэлгэрэнгүй ярилцсанаа дэлгэн хүргэж байна.

Мөн бид амины орон сууцаа барихаар зэхэж буй айл өрхдөө зориулан “Амины орон сууцаа өөрсдөө барьцгаая” заавар зөвлөгөөгөө зураг төсөл, төсөв, ажлын дараалал зэргийг багтаасан цогц мэдээллийг өгч байгаа.

Барилгын салбарт байгалийн болон зохиомол гэрэлтүүлэг ямар ач холбогдолтой байхын утга учрыг ШУТИС-ын эрдэмтэн доктор, профессор Б.Доржсүрэнтэй хийсэн ярилцлага, ЗТБХБЯ, ССХОБЗА-ны харъяа Барилгын материалын сорилт шинжилгээний лабораторийн эрхлэгч Г.Алтантуултай хийсэн ярилцлага гээд салбарын мэргэжилтэн, эрдэмтдийн үгийг манай сэтгүүлийн хуудаснаас дэлгэн унших боломжтой юм.
 

Дэлхийн хэмжээнд гэрлэн хот хэмээн алдаршсан Хонг Конгийн тухай аян замын тэмдэглэл, дээврийн модыг хэрхэн сонгох, бохирын цооног хийх аргачилал, сантехникийн холболт хийх гээд олон заавар зөвлөгөөг мөн бид багтаалаа.

Уламжлал ёсоор барилгын материал, шинэ орон сууцны үнэ ханш, банкны зэээлийн хүүгийн мэдээлэл гээд танд хэрэгтэй бүхий л ханшийн мэдээллийг багтаасан байгаа.

Эрхэм уншигч та бүхэн  сэтгүүлийн шинэ дугаараа Номин, Максийн сүлжээдэлгүүрүүд, номын дэлгүүрүүд болон сонин борлуулах цэгүүдээс худалдан авахын зэрэгцээ бүх шуудангаар захиалан унших боломжтой.