Байр авах гэж байгаа бол үүнийг уншаарай. №2

Байр авах гэж байгаа бол үүнийг уншаарай. №2
Байр авах гэж байна уу-2
 
Их сонирхолтой бичлэг байсан учир 2 дахь нийтлэлийг та бүхэнд сонирхуулмаар санагдлаа. Уншаад байхаар их сонирхолтой юм билээ. Байр авах гэж байна уу-1 -ийг нь уншсан гэж найдаж байна.

1.    Байршил сонгох

2.    Сонгосон байршил дотроо барилгаа сонгох

3.    Барилгынхаа талаар мэдээллүүд авах

4.    Барилгыг судлах

5.    Байрандаа ороход анхаарах зүйлс

6.    Ашиглалтын зардал 

зөвлөгөө өгнө гэж дурьдсанаас "Байршил сонгох" тухайд та бүхэнд жааал нуршсан билээ..

2. Сонгосон байршил дотроо барилгаа сонгох

За энэ хэсгээс цааш "мэдээлэл бас мэдээлэл" гэж хэлмээр байна. Учрыг та явцын дунд сайн тунгаана биздээ.

Байршилаа та мэдээж "ганц хоёр" хувилбартай сонгосон байх. Гэхдээ ихэнх захиалагч нар байраа байршилаас нь үл шалтгаалаад "хэн барьсан", эсвэл "аль нь хямд" гэж авдгаас гадна танилын авсан байрыг үзээд түүний рекламанд татагдаад авчихдаг. Мэдээж энэ нь мэдээлэл, мэдлэг хоёр дутуугийнх ба энэ тохиолдолд аз ивээх нь ихдээ л 50:50 юм.

Манай барилгын салбарт эрэлт их, үйлдвэрлэл түүнтэй харьцуулахад бага учираас Захиалагчийн санал бодлыг харгалзан үзэх, түүний өмнө хүлээх хариуцлага үнэндээ тааруу гэхэд болно.

Миний юу хэлэх гээд байгааг ойлгож байгаа байх. Хэрэв та байрныхаа сонголтыг зөв л хийхгүй бол эсвэл хяналтаа барих явцад нь сайн хэрэгжүүлж чадахгүй бол ашиглалтын явцад гарах засвар үйлчилгээ, доголдол зэрэг нь улам л их болохын зэрэгцээ үүнийг гүйцэтгэгч компани засаж өгнө гэдэгт бараг л найдахгүй байсан чинь дээр.

За олон зүйл нуршилгүй барилгаа сонгоход дараах хэдэн төрлөөр шүүчихсэн байхад гэмгүй.

1.    Зах зээлийн нэр хүнд

2.    Барилгын бүтэц

3.    Газар дээр нь очиж судлах

5.    Төлбөр төлөх боломжууд, хувилбарууд

2.1. Зах зээлийн нэр хүнд  Брэнд гэдэг ойлголт бидний ой ухаанд чанар, эдэлгээ гэсэнтэй нэг ижил сонсогддог. Брэндийг эзэгнэгч үйлдвэрлэгч үүнийг сайн ойлгосон байдаг тул чанартай, эдэлгээтэй байх талаар ч бүхнийг хийж л суудаг.

Түүнтэй адилхан барилгын салбарт брэндүүд бий, гэхдээ нэг биш нэлээн ч биш хэдэн зуун ажилбар, олон хүнийг зохион байгуулж менежемент хийсний үр дүнд босдог барилга гэдэг бол ямар нэг брэнд бараа шиг төгс сайхан болоод байдаг зүйл биш юм. Ялангуяа манай барилгын салбар шиг стандарт, норм дүрмүүд нь амьдрал дээр мөрдөгддөгүй, зөрүүтэй байдаг, тогтсон инженер техникийн болон мэргэжлийн ажилчид цөөхөнтэй, шавар, тоосго гээд л хүннүгийн үеийн технологоосоо салаагүй, салбарын бус дарга цэрэг олонтой, төрийн байгууллага нь "хойд эцэг" шиг чанга, ийм нөхцөлд чанартай барилга төрөхөд хангалттай хүнд юм.

Тэгэхээр би юу хэлэх гээд байна гэхлээр миний энд бас дараа нь олон  дурьдах зүйлүүдийг бүгдийг нь ягштал биелүүлдэг мундаг компани Улаанбаатарт байхгүй тул бас л миний "байршил" гэдэгт бүлэгт өгүүлж байсанчлан "төгс" зүйлийг хайж өөрийгөө зовоох хэрэггүй гэж зөвлөх байна.

Зах зээлийн нэр хүнд гэдэгт юу ойлгох вэ? Хамгийн түрүүнд зурагт үз, үл хөдлөхийн реалторууд юу зөвлөж байна тэдгээрийг хар. Мөнгө муутай эсвэл муу менежменттэй компани барилгаа муу барьдагтай адилхан зар сурталчилгааны менежментээ ч муу хийдэг. Сайн нь бол мэдээж эсрэгээр. Сонголт хийх үед чинь таарвал Барилгын Экспо үзэсгэлэн үз, судал. Тэндээс хэн нь хэн бэ гэдгийг зэрэгцүүлж суугаад харах сайхан боломж олгодог юм.  

Мөн интернэтээс болон бусад мэдээллийн хэрэгслээр барилгын топ компаниудын нэрс хангаллтай бий..

Жнь: 2010 онд ийм компаниуд шалгарч байж..

1.     ШИЛДЭГ БАРИЛГЫН ГҮЙЦЭТГЭГЧ БАЙГУУЛЛАГА - БҮТИ ХХК

2.    ШИЛДЭГ ИНЖЕНЕРИЙН ШУГАМ СҮЛЖЭЭ УГСРАЛТЫН БАЙГУУЛЛАГА - ОДКОН ХОЛДИНГ ХХК

3.    ШИЛДЭГ ШИНЭ ТЕХНИК ТЕХНОЛОГИ НЭВТРҮҮЛЭГЧ БАЙГУУЛЛАГА - ЯВУУ ИМПЕКС ХХК

4.    ШИЛДЭГ ҮЙЛДВЭРЛЭГЧ БАЙГУУЛЛАГА - ХӨТӨЛ ЦЕМЕНТ ШОХОЙ ХК

5.    ШИЛДЭГ ИМПОРТЛОГЧ БАЙГУУЛЛАГА - ТӨМӨРТ ТРАНС ХХК

6.    ШИЛДЭГ ШИНЭ ОРОН СУУЦ - ИХ ҮЙЛСИЙН ЭРЭЛД ХХК- БАЯНМОНГОЛ ХОРООЛОЛ

7.    ШИЛДЭГ НИЙГМИЙН ХАРИУЦЛАГАТАЙ БАЙГУУЛЛАГА - АЛЬЯНС ТЕХ ХХК

8.    ШИЛДЭГ ЗУРАГ ТӨСЛИЙН БАЙГУУЛЛАГА - ӨРХ ХХК

9.    ШИЛДЭГ ДОХИОЛОЛ, ХАМГААЛАЛТ УГСРАЛТЫН БАЙГУУЛЛАГА - Сэйф Тайм ХХК

Мэдээж эдгээр компаниуд бүгд мундаг сайндаа шилдэг болчихсон эсэхийг үнэхээр хэлж мэдэх юм алга. Жишээ нь энд Нийслэлийн цэвэр усны эх үүсвэр дээр барилгаа босгочихсон компани байж л байна. Олон нийтийн санал асуулгаар тодруулсан бол энэ компани тодрох нь юу л бол. Миний хэлэх гээд байгаа санаа бол "шилдэг" гэсэн бүрт итгэх хэрэггүй. Би бол ийм шилдэгүүдийг "эхэлсэн ажлаа ямар ч байсан дуусгачихдаг" юм байна л гэж хардаг. Харин чанар, эдэлгээний асуудал бол тусдаа ойлголт.

Мөн Зах зээлийн нэр өөр нэг хүнд бол амнаас ам дамжсан реклам байдаг. Манай улсад харин иймэрхүү реклам бол хол явдаг юм шүү. Тиймээс сонирхож байгаа компани, түүний барьсан барилгынх нь талаар асууж байхад гэмгүй. Гэхдээ үргэлж "шар сонин"-гийн мэдээ ярьдаг Шагдар ахаас, үргэлж гоочилж муулж явдаг Гочоо ахаас асуугаад дэмий биздээ. Тэгээд иймэрхүү мэдээлэлд авах гээхийн ухаанаар хандаад save-лээд авчих. Дараа нь хэрэг болно.

2.2. Барилгын бүтэц  Зиак хоёр дүүрэгт байршил сонгочихсон дүүрэг дүүрэгт нь 2-3 компани точиглочихсон байна уу? Тэгэхээр цаад компаниуд чинь ямар хийц, бүтэцтэй барилга бариад байна. Эсвэл хуучин байр авах гэж байна уу? Нийслэлд байгаа газар хөдлөлтөнд тооцоогүй 3800 гаруй барилга дээр нь нэмээд 1180 ширхэг насжилт өндөртэй барилгад орчих гэж байгаа юм биш биз?

Ер нь Улаанбаатарт гэлтгүй Монголд баригдаж байгаа, баригдсан орон сууцнуудыг дараах хэдэн төрөлд хувааж үзнэ.

1.    Тоосгон даацын хана бүхий модон хучилттай барилга, Тоосгон даацын хана бүхий төмөр бетон хучилттай барилга

2.    Угсармал төмөр бетон барилга

3.    Араг бүтээц хийц бүхий төмөр бетон барилга, металл каркас барилга

4.    Бүрэн цутгамаl ханан бүтэц бүхий төмөр бетон барилга

2.2.1.  1-2 дугаар барилга бол үндсэн түр ачаа, тогтмол ачаагаа хучилтаар дамжуулж хананд өгч, харин хана нь барилгын сууринд шилжүүлдэг ачааллын систем бүхий барилгууд. Хамгийн энгийн хийцлэлтэй бас одоо бол зарим оронд аль хэдийн орон сууцны зориулалтаас татгалзсан барилга юм. Үүний учир гэвэл ширхэгийн материалаар хийгддэгт оршино. Ширхэгийн материал нь даац дамжуулах, дулаан үл дамжуулах, эдэлгээний хувьд харьцангуй өндөр ч гэсэн ийм бүтээгдэхүүнээр барьсан барилга нь аливаа маханик үйлчлэл буюу газар хөдлөлт, чичэрхийлэлд тэсвэргүй. Гэхдээ мэдээж энэ шинж чанарыг нь өөр нэг аргаар үгүй хийж сайжруулсан технологи, норм дүрэм манайд бий. Тэр байтугай ийм барилга дээр зохимол газар хөдлөлт үүсгэж шалгаж ч байсан тохиолдол байдаг.

Энэ барилга тооцоолсноос илүү хүчтэй газар хөдлөлтөнд бүрэн нурна. Амьд үлдэх боломж "...".

2.2.2. Угсармал төмбөр бетон барилга буюу Улаанбаатар хотын  орон сууцны барилгуудын ихэнх хувийг бүрдүүлэг энэ "нөхөр" бол Орос ах нарын манай улсын хөгжилд оруулсан онцгой хувь нэмэр гэж ойлгодог. Тухайн үедээ энэ нь мэдээж шинэ, сайхан хурдан, эдэлгээтэй технологи байсан байх л даа, одоо бол төмөр бетон угсармал барилга үйлдвэрлэдэг угсардаг газрыг би л хувьдаа сайн мэдэхгүй юм. Энэ барилгыг энгийн үгээр тайлбарлавал ердөө л тоосгоны оронд төмөр бетон хавтгаалж хэрэглэсэн төдий юм. Ачаалал авах, дамжуулах шинж чанар нь өмнөхтэй ижил, тоосгон барилгаас давуу тал нь гадна агаарын үйлчлэлд хамаагүй урт настай бас 5-аас дээш давхар барьж болдог ачаалал даах чадвар нь юм. СХД-ийн 21 дүгээр хороонд орших цэргийн хотхоны угсармал барилга дээр 80-аад онд газар хөдлөлтийн тест хийж үзсэн гэдэг юм билээ. Нүдээр үзсэн гэрчийн яриагаар бол дээвэр дээр нь том мотортой савлуур маягийн юм угсарч нөгөөхөө ажилуулахад барилга бүр илт мэдэгдэхүйц ганхаж байсан гэдэг. Мэдээж газар хөдлөлт барилгыг дээрээс нь биш доороос нь бас аажим биш гэнэт хүчтэй алхаар цохиж байгаа юм шиг л үйлчилнэ.

Энэ барилга тооцоолсноос илүү хүчтэй газар хөдлөлтөнд бүрэн нурна. Амьд үлдэх боломж өмнөхөөс лав арай дээр.

2.2.3. Төмөр бетон араг бүтээц хийц бүхий, дүүргэгч ханатай барилга бол манайд ид моодонд орж буй барилга юм. 1990 ээд оноос хойш угсармал барилгын үйлдвэрлэл явуулдаг аж ахуйн нэгж, үйлдвэр, трестүүд зах зээлийн шуурганд үүдээ барьсанаар үйлдвэрээс гардаг бэлэн угсармал эдлэлүүд үгүй болж тэдгээрийг газар дээр нь өрж, цутгаж хийх шаардлага гарсан юм. Чухам энэ шаардлагын үүднээс уг технологи  орос, хятад барилгачидын ачаар манайд улам хөгжиж байна. Сонирхуултахад хамгийн анхны төмөр бетон арагт бүтээц барилга бол "Монголын худалдаа аж үйлдвэрийн барилга" гэж нэрлэгдсээр ирсэн Эрх чөлөөний талбай нь зүүн  талын барилга бөгөөд 80-аад оны эхээр Чех мэргэжилтэнгүүд ирж барьсан гэдэг. Харин Монголчуудын өөрсдөө 90-ээд оны эхээр хийсэн хамгийн анхны энэ чиглэлийн том бүтээл бол "Зоос" гоёлын уулзвар дээр орших "Улаанбаатар банк"-ны шилэн фасад бүхий 12 давхар барилга юм.

Энэ бүтээцийн давуу тал нь орон зайн болон интерьер, экстерьерийн төрөл бүрийн шийдэл чөлөөтэй хийж болдог, газар хөдлөлтөнд өмнөх хийцлэлтэй барилгуудыг бодвол харьцангуй тэсвэртэй. Хучилтанд ирсэн ачааг дам нуруугаар дамжуулан багана хүлээж авах бөгөөд харин багана нь суурь луу ачааллыг шилжүүлдэг байна. Ханан бүтэцтэй барилгыг бодвол ачааллыг тэгш хэмтэй хуваагдсан багана, дам нурууны систем жигдхэн хувааж авдаг нь нэгж хэсэг дээр ирэх түр болон тогтмол ачааг багасгадаг юм. Чухам энэ шинж чанар нь түүнийг газар хөдлөлтөнд харьцангуй тэсвэртэй болгодог.

Энэ барилга тооцоолсноос илүү хүчтэй газар хөдлөлтөнд бүрэн нурахгүй. Эвдрэлийн шалтгаан түүний геометр хэмжээс, үйлдвэрлэлийн чанар, газар хөдлөлийн эрчим, чиглэл, давтамжаас хамаарна. Амьд үлдэх боломж бий. Чухам ийм л барилгуудын доороос нурангинд дарагдагсад их гарч аврагддаг. Арагт бүтээцэн барилгыг материалынх нь төрлөөр дан төмөр бетон, металл каркас, хосолмол гэж ангилна.

Сонирхуулж ганц хоёр видео материал орууллаа.

 

 

 

2.2.4. Бүрэн цутгамар ханан бүтэц бүхий төмөр бетон барилга нь манайханд "Солонгос барилга" нэрээр танил болсон. Энэ барилгын хамгийн анхны төлөөлөгч нь "ROYAL хотхон" юм. Үндсэндээ ханан бүтэцтэй барилгын ачаалал авах системтэй адил боловч давуу тал нь нэгдмэл цул төмөр бетоноор хийсэн байдаг ба барилгын зарим хэсэгт арагт бүтээцтэй адилхан зарчмаар ажилладаг баганан систем бас оруулж болдог нь энэ технологийн давуу тал юм.

Энэ барилга тооцоолсноос илүү хүчтэй газар хөдлөлтөнд бүрэн нурахгүй. Бүхлээрээ эсвэл тасарч хажуу руугаа унаж эвдэрдэг. Амьд үлдэх боломж бий.

Ганц хоёр зураг бас видео үз. 

 

http://engineer.blog.banjig.net - ээс

Холбоотой мэдээ