Одоогоос жилийн өмнө буюу 2010 оны гуравдугаар сард Тээврийн товчооноос чанх урагш Энгельсийн гудамж буюу “Дулааны цахилгаан сүлжээ”-ний өмнөх зам хүртэл ав­то зам дээгүүр хөндлөн тавих Мон­голдоо л нүсэр гүүрэн гарцны ажил эхэл­сэн билээ. Японы засгийн газ­рын буцалтгүй тусламжийн 48 тэр­бум төгрөгөөр гүүр барьж байгаа юм.

        Барилгын төлөвлөлтөөр бол энэ­хүү гүүр нь авто замаас дээш до­лоон метр зайтай бөгөөд замын өр­гөн нь 16,2 метр юм. Энэхүү аж­лыг Япондоо л эхний байранд ор­дог “JFE engineering corporation” ком­пани хийж байгаа гэх. Уг нь гүү­рэн байгууламжаараа алдартай энэ ком­пани ногоон байгууламжийн талаар зо­хих мэдлэгтэй байх учиртай. Яа­гаад гэвэл Японд ямарваа нэгэн бай­гууламж барих гэж байгаа нөхцөлд но­гоон байгууламжийн талаар заавал тусгасан байхыг хуульчлан тусгасан байдаг. Гэтэл энэ ажлыг хийж байгаа нэ­рээр зам дагуу ургасан моддыг тайрч хаяад хожуул үлдээж орхижээ. Уг нь Монголд байхгүй том бүтээн бай­гуулалтыг хийж байгаа ч тоостой хо­тын амин сүнс болсон ногоон бай­гууламжийг тайраад хаячихаж бо­лом­гүйсэн. Эрхэм уншигч таны харж байгаачлан тайрсан моддын хожуул, энд тэндгүй хийсэх шороогоор Тээврийн товчоо дүүрэн байна.

       48 тэрбум төгрөгөөр хийж байгаа энэ их ажилд ногоон байгууламж хийх мөнгө үлдсэн байгаасай л гэж найдья. Ер нь бид чинь ногоон байгууламжаа нэмэх гээд байна уу, устгах бодлоготой улс уу. Сүүлийн хэдэн жил ургасан, ургаагүй хэдэн мянган мод тарьж, хичнээн сая мод тайрав даа, бид.