Өнөө орой 23 цагт Толгойтын төмөр замтай уулзварыг хааж, 3 хоногийн хугацаанд хучилтын ажил хийнэ. Түүнчлэн уг төмөр замтай уулзвараас Сонсголонгийн уулзвар хүртэлх 1 км авто замыг 6 сарын 03-наас 11-ний өдрүүдэд хааж, шугам сүлжээний ажил болон төмөр замын уулзварын өргөтгөл шинэчлэлтийн ажлуудыг гүйцэтгэх юм. Харин 22-ын Шалган бүртгэх товчооноос Улаанбаатар самбар хүртэлх 4.3 км замыг энэ сарын 04-нөөс 7-р сарын 05-ны өдөр хүртэл хаана. Бага тойруугийн замд Зоос гоёлын уулзварын хойд талаас СУИС-ийн зүүн урд уулзварын баруун тал хүртэлх хэсгийг 04-ний 23 цагаас 19-ний 23 цаг хүртэл хааж хучилтын ажлыг гүйцэтгэхээр боллоо.
 Эх сурвалж www.life.mn сайт