Ахуйн зөвлөгөө

 

   Модон эдлэл наах зүйлийн завсар жаахан хөвөн хавчуулбал холбоос бэх болдог. Үүний тулд наах гадаргуугийн аль нэг дээр нимгэн үеэр хөвөн зулж цавуугаа шингээгээд хавчина.
   Модон эдлэлийг шилний нунтгаар хийсэн зүлгүүрээр зүлгэх бөгөөд зүлгүүрийг резин, парлон, самбай, эсгий зэрэг зүйлээр хийсэн зөөлөвч наасан дайрдсанд ороож, нэлээд хүчтэй даралтаар эхний зүлгэлтийг модны ширхэгийг хөндлөн, эцсийн зүлгэлтийг ширхэгийн дагуу зөөлөн дарж зүлгэдэг.
    Зүлгэх гадаргууд тохируулан зүлгүүрийн нарийн бүдүүнийг тохируулах боловч эцэст нь хамгийн нарийн зүлгүүрээр зүлгэж, өөгүй цэвэрхэн болгоно. Ийнхүү зүлгэж байхдаа гарсан үртсийг хатуу үстэй сойзоор байнга зүлгэж байх нь чухал.
   Хасуурын ажил гүйцэтгэхэд санамсаргүйн улмаас хуруу гараа алхаар хальт цохиж гэмтээдэг. Энэ байдлаас гарахын тулд төмөр махийлган бариул хийж, хасуурынхаа дээд хэсэгт бэхэлж бооно. Энэ аргыг хэрэглэснээр гар хуруугаа цохихгүйгээс гадна доргихоос хамгаалах сайн талтай.
Данхны таганд хэрэггүй болсон резин тоглоомын шүгэл тавьбал дэврэхээс урьдчилан сэргийлж болно. Шүглээ бэхлэхдээ резин жийргэвч хэрэглээрэй.
   Чийгтэй түлээ ноцохгүй байвал дээр нь чимх давс цацвал хялбархан ноцно.
   Хатуувтар үстэй шинэ шүдний сойзыг нэг халбага давс хийсэн усанд хэдэн цаг байлгавал үс нь зөөлөрнө. 
   Шүүрний үс үнгэгдэж муудвал буцалж байгаа устай саван дээр хэдэн мин барихад л шинэ юм шиг болно.
    Хэрэв сервантны нүүрний шил зуураад байвал доод ирмэгт нь вазелин түрхэх хэрэгтэй. Хаалганы нугас, хүүхдийн тэрэгний дугуй, хөшигний төмөр дэгээний гулгалтаасүүсэх чахралтыг арилгана.
   Ширээ болон шүүгээний шургуулга гацаж байвал нойтон саван түрхэнэ. Хувцасны шүүгээний хаалга, шуршшлаганы ирмэгийг савантай алчуураар арчаад байвал нээж хаахад хялбар болно.   
    Сервантны шил доргиж дуугарахгүй болгоход түүний дээд ирмэгт наалдамхай туузыг хэд хэдэн цэгт наахаас гадна мөн хумсны лаакыг дусаахад сайн нөлөө үзүүлнэ.
   Нүдний шилийг ургамлын тос-глицерин шингээж савандсан алчуураар арчиж, үстэй даавуугаар зүлгэвэл хүйтний улиралд цантахгүй. Мөн шилний хоёр талд саванг нимгэн түрхээд хуурай зөөлөн алчуураар үлгэсэн ч болно.   
    Сахлын машины хутгыг хэд дахин хэрэглэхийн тулд мохсон хутгыг дор бүрд нь хурцалж байх хэрэгтэй. Мохсон хутгыг хурцлахдаа шилэн аяганы дотор талыг оёдлын машины тос буюу вазелинаар нимгэн тослоод түүн дээрээ хутгаа тавьж, хутганыхаа гол дээр баруун гарынхаа долоовор хуруугаар зөөлөн дарж, шилэн аяганыхаа хагас тойргын хэмжээгээр нааш цааш нь нийлэх хэрэгтэй.
   Хоёр талыг тус бүрд нь 5-8 дахин 2-5 мин хиртэй нийлвэл зохино. Хутгаа хэрэглэчихээд хуурай болтол нь арчиж, түүний вазелинаар тослоод хадгалж болно.    
 
Зохиогч Д.Нямдаваагийн
“Байхгүй Юмгүй Ном”-оос

 

Холбоотой мэдээ