Нийтийн аж ахуйн үйлчилгээний 80 жилийн шагналын хур буулаа

Нийтийн аж ахуйн үйлчилгээний 80 жилийн шагналын хур буулаа

Монгол Улсад Нийтийн Аж Ахуйн Үйлчилгээний салбар үүсч хөгжсөний 80 жилийн ой энэ жил тохиож байна. Өнөөдөр 80 жилийн ойн хурлаа хийж салбартаа олон жил үр бүтээлтэй ажилласан шилдгүүдээ тодрууллаа.

Баярын хурлын нээлтийн ажиллагаанд ЗТБХБЯ-ны дэд сайд А. Гансүх болон ЗТБХБЯ- ны Төрийн нарийн бичгийн дарга Ж. Бат- Эрдэнэ, БОСНААБГ- ын дарга Б. Баасан болон албаны бусад хүмүүс хүрэлцэн ирсэн байлаа.

Хурлыг нээж ЗТБХБЯ- ны Төрийн нарийн бичгийн дарга Ж. Бат- Эрдэнэ нээж хүрэлцэн ирсэн хүндэт зочдод мэндчилгээ дэвшүүлсэн юм. Нийтийн аж ахуйн 80 жилийн ойд зориулан хуралд хүрэлцэн ирсэн нийт зочдод ЗТБХБЯ-ны сайд Х. Баттулга,УИХ-ын дарга, Ерөнхий сайд, Улаанбаатар хотын дарга Г. Мөнхбаяр нар мэндчилгээ дэвшүүлж ажлын өндөр амжилт хүслээ.

Үүний дараа ажилдаа амжилт гаргасан тэргүүний ажилтан болон албан байгууллагыг шагнаж урамшууллаа.

Нийтийн аж ахуй 80 жилийн Тэргүүний байгууллагаар

            УБ хотын Ус сувгийн удирдах газар

            Сүхбаатар аймгийн Нийтийн аж ахуйн үйлчилгээний “Дөрвөлж” орон нутгийн өмчит үйлдвэрийн газар

            Салбарын тэргүүний менежерээр

            Баян-Өлгий аймгийн Нийтийн аж ахуйн үйлчилгээний “Суат” ХХКомпанийн захирал       Х.Хабай

            Салбарын тэргүүний инженерээр

            Төв аймгийн Нийтийн аж ахуйн үйлчилгээний “Төв чандмань дулааны эрчим хүчний газар” орон нутгийн өмчит үйлдвэрийн газрын инженер Н.Баяржаргал

            Салбарын тэргүүний санхүүчээр

            Баянхонгор аймгийн Нийтийн аж ахуйн үйлчилгээний “Чандмань Баянхонгор” орон нутгийн өмчит үйлдвэрийн газрын нягтлан бодогч В.Наранцэцэг нар шалгарч баяр дээрээ баяр нэмлээ. Мөн Засгийн хэрэгжүүлэгч агентлаг, ГХБГЗЗГ –ын нэрэмжит шагналаар салбартаа шинэ техник технологи нэвтрүүлсэн байгууллагаар ус хангамжийн “Ухаа худаг”тодорлоо.

Нийтийн аж ахуйн салбар үүсч хөгжсөний 80 жилийн ойгоор амжилт гарган хамт олноо манлайлан ажилласан ажилчиддаа салбарын “Тэргүүний ажилтан” цол тэмдгээр энгэрийг нь мялаалаа.

Ус сувгийн удирдах газрын инженер Н. Батсайхан, Улаанбаатар хотын Орон сууц Нийтийн аж ахуйн удирдах газрын “Баянбүрд” орон нутгийн компанийн инженер Ш.Ундраа, Сэлэнгэ аймгийн “Гавшгай ус” н. Дэндэв нарыг Нийтийн аж ахуйн тэргүүний ажилтан цол тэмдгээр тус шагнан хийсэн ажил амжилтыг нь мялаалаа.

Холбоотой мэдээ