Мэргэжлийн хяналтын ерөнхий газрын зөвлөл нийслэлд шинээр баригдаж буй 21 барилга байгууламжид шалгалтынхаа талаар хурал хийлээ. Шалгалтын үеэр 94 зөрчил илэрснээс 17.8 хувь нь бичиг баримтын, 11.6 хувь нь зураг төслийн боловсруулалтад, 47.4 хувь нь угсралтын ажилд, 23.2 хувь нь барилгын материалын чанар байдалд илэрчээ.Шалгалтаар тусгай зөвшөөрөлгүй газар барилга барьж байсан, чанаргүй барилгын материал ашигласан зэрэг зөрчил илэрч дөрвөн аж ахуй нэгжид таван сая тогрогний торгууль ноогдуулжээ. Барилга угсралтын явцад иргэн Л.Чимгээгийн захиалгаар баригдаж байгаа үйлчилгээ, оффисын 12 давхар барилга, “Номин холдинг” ХХК-ийн “Өнөр” хорооллын III ээлжийн үйлчилгээтэй орон сууцны барилга, “Экоконстракшн” ХХК-ийн “Голден Парк“ цогцолборын үйлчилгээтэй орон сууцны барилга, “Фүлиан” ХХК-ийн “Эрхэт” орон сууцны цогцолбор барилга, “Орчлон констракшн” ХХК-ийн захиалгаар “Зэт энд Эй” ХХК угсралтын ажлыг гүйцэтгэж байгаа 96 айлын орон сууцны барилга, “Би Эйч Энд” ХХК-ийн 43 айлын орон сууц, “Алтан трейд” ХХК-ийн захиалгаар “Хишиг хангай” ХХК гүйцэтгэж байгаа үйлчилгээтэй 70 айлын орон сууц, “Өндөр буянт” ХХК-ийн “Оргил стар таун”хотхон, “Мөнх эвсэг” ХХК-ийн контор, зочид буудал, “Тэргүүн чансаа” ХХК-ийн үйлчилгээтэй 98 айлын орон сууц, “Аюуд” ХХК-ийн захиалгаар “Өрнө өрнөх” ХХК барьж буй контор, үйлчилгээний барилгуудын угсралтын ажилд илэрлээ. Эдгээр компаниудад МХЕГ-ын улсын байцаагчийн дүгнэлт гаргаж тодорхой хугацааны акт өгч арга хэмжээ авсан байна.