JCI Монголын гольфийн 2011 оны Аварга шалгаруулах тэмцээн
JCI Лидер салбар байгууллагаас JCI Монголын гольфийн 2011 оны Аварга шалгаруулах тэмцээнийг уламжлал болгон 2 дахь жилдээ зохион байгуулах гэж байна. Бид 2010 онд JCI Монголын Гольфийн аварга шалгаруулах анхдугаар тэмцээнийг амжилттай зохион байгуулсан билээ.
Энэхүү гольфийн аварга шалгаруулах уламжлалт тэмцээний зорилго нь JCI-ийн брэнд спорт болох гольфийг JCI Монголын хэмжээнд хөгжүүлэхэд чиглэж байгаа юм.
JCI Монголын 2011 оны Гольфийн аварга шалгаруулах тэмцээн нь 2011 оны 8 дугаар сарын 20-ны Бямба гарагийн өглөө 09.00-13.00 цагт Тэрэлжийн UB2 гольфийн талбайд болно.
Тэмцээний бүртгэлийг 2011 оны 8 дугаар сарын 1-ны өдрөөс 15-ны өдрийг хүртэл явуулах бөгөөд та бүхэнд “JCI Гольф 2011” тэмцээний удирдамжийг хавсралтаар хүргүүлж байна. Та бүхэн тэмцээний удирдамжаас дэлгэрэнгүй мэдээлэл авахыг хүсье.
Та бүхнийг JCI Монголын 2011 оны Гольфийн аварга шалгаруулах тэмцээнд идэвхтэй оролцохыг урьж байна.