Үзэсгэлэнгийн нээлт монгол ёс заншлаар айл гэрийн жаврыг үргээж хүний сэтгэлийг гэгэлзүүлдэг уртын сайхан дуугаар Мишээл Экспо төвд нээлтээ хийлээ.

     Энэхүү үзэсгэлэн яармагийн нээлтийн ажиллагаанд ЗТБХБЯ-ны газрын албаны орлогч дарга Д. Мөнхбаатар, ГХБГЗЗГ-ын дарга Б.Баярсайхан, Барилга.МН БЗМТөвийн захирал Г.Батсүх, МБХ-ны ерөнхийлөгч М.Батбаатар, ЗТЗХ-ны ерөнхийлөгч О.Мягмар, МБИХ-ны ерөнхийлөгч Э.Ганзориг гээд төрийн болон төрийн бус байгууллагын төлөөлөл болон үзэсгэлэнд оролцож байгаа гадаадын компаниудын төлөөлөл оролцлоо.

     Энэ жилийн “Барилга Экспо -2011” үзэсгэлэн яармаг нь Монголд барилгын салбар үүсч хөгжсөний 85 жилийн ойтой давхцаж байгаагаараа онцлог болж байгаагаас гадна  олон улсын гэдэг тодотголоор онцлог болж байгаа бөгөөд 4 дэхь жилдээ амжилттай зохион байгууллагдаж байна. Жил ирэх тусам үзэсгэлэнгийн хүрээ тэлж, гадаад дотоодын барилгын салбарт үйл ажиллагаа явуулдаг 120 гаруй компаниуд оролцсон бөгөөд шинэ орон сууцны 40 гаруй компаниас гадна дэлхийд барилгын салбараараа тэргүүлдэг 10 гаруй улс орноос барилгын компаниуд  оролцож байна. Мөн гадны компаниудын голлон танилцуулж байгаа бүтээгдэхүүн нь Монголд өмнө нь хийгдэж байгаагүй дэвшилтэт технологоор хэрэгжүүлж эхлэх гэж  гэж байгаа төслүүд байгаа юм байна.

     Энэхүү үзэсгэлэн яармагт оролцох компаниудын тоо жилээс жилд нэмэгдэж байгаа нь үзэсгэлэнгийн цар хүрээ нэр хүнд дээшилж байгааг харуулж байна.

     “Барилга Экспо -2011” үзэсгэлэн яармагийн ерөнхий ивээн тэтгэгчээр Номин Констракшн” ХХК ажиллаж байгаа бол ивээн тэтгэгчээр “Топ чанар” групп, хэвлэлийн ивээн тэтгэгчээр “Zarmedee.mn”, Шуурхай зар, Боловсрол суваг телевиз, хэвлэлийн ивээн тэтгэгчээр “Orange design” LLC зэрэг байгууллагууд оролцож байна.