"Барилга экспо 2011"-ийн шилдгүүд тодорлоо
Барилгын салбар эрчимтэй хөгжих байгаа энэ цаг үед өрсөлдөөн ижил төрлийн үйл ажиллагаа явуулдаг байгууллага, аж ахуйн нэгж, компаниудын дунд хамгийн их байдаг. Зах зээлийн энэ үед өрсөлдөөн байж гэмээнэ тухайн салбарын хөгжлийн нэг эх үүсвэр бий болдог. Өрсөлдөөнд чанартай бараа бүтээгдэхүүнтэй хэрэглэгчдийн таашаал хүртэж салбартаа тэргүүлэгчийн эгнээнд зогсож чаддаг. “Барилга Экспо -2011” олон улсын үзэсгэлэн яармагын шилдгүүдийг шалгаруулах ёслолын ажиллагаанд Барилга.МН БЗМТөвийн захирал Г. Батсүх, МЗТЗХ-ны тэргүүн О. Мягмар, МБИХ-ны тэргүүн Э. Ганзориг, МБҮЭХолбооны дарга Б.Батцогт, МУ-ын зөвлөх инженер Д. Намсрай, Барилга.МН сэтгүүлийн зөвлөх Ч. Баатарсүрэн болон барилгын компаниудын төлөөлөлүүд хүрэлцэн ирсэн байлаа.
“Барилга Экспо-2011” олон улсын үзэсгэлэн яармагт оролцсон байгууллагуудаас өчигдөр шилдгүүд нь тодорлоо. Шилдгийг шалгаруулахдаа тухайн компаниудын материал бүтээгдэхүүний давуу тал болон шинэлэг шинэ технологи нэвтрүүлсэн эсэхийг харгалзан үзсэн юм. Жил ирэх бүр нэг номинацид нэр дэвшигч компаниудын тоо өссөн зэргээс харахад Монголын барилгын салбар хүчтэй хөгжиж байгаагийн нэг илрэл гэж дүгнэн хэлж болох юм.
Барилгын салбарын шилдэг компаниудаар
Шилдэг импортлогч “Акватерм” ХХК
Шилдэг бүтээгдэхүүн “Юу Би Системс” ХХК
Шилдэг үйлдвэрлэгч “Дөл Түшиг” ХХК
Шилдэг шинэ технологи нэвтрүүлэгч “МонХорус интернэйшл” ХХК
Шилдэг орон сууц “Номин Констракшн” Өнөр-2 хотхон
Шилдэг оролцогч брэнд маркетераар “INGENIOUS SWITZERLAND” LLC
Шилдэг барилгын гүйцэтгэгч байгууллагаар “Сандэй Групп” шилдгээр тус тус тодорсон юм. Эдгээр шагналууд “Нүдээ олсон” шагнал боллоо гэж хүрэлцэн ирсэн зочид хэлж байлаа. Барилгынхан салбартаа өрсөлдөгч басхүү итгэлт хамтран ажиллагч түнш байж чаддаг гэдгийг нэгэн үдшийн үйл явдлаас харж болохоор байлаа. Барилгын салбарын шилдгүүд нэгэн оройг дуулж, бүжиглэн хамтдаа өнгөрөөсөн юм.