“Барилга Экспо -2011” үзэсгэлэнгийн автомашины азтан тодорлоо.
"Барилга Экспо 2011" олон улсын үзэсгэлэн яармагийг анх удаа тасалбартай зохион байгуулж автомашин, notebook, iphonе гээд олон супер хонжворыг азтангууддаа өгч байгаа билээ. Aвтомашины азтан тодорч түлхүүрийг нь гардуулан өглөө.
Азтан 0001635 дугаарын сугааны эзэн СХД-ийн 3-р хорооны иргэн Ц. Буян-Өлзий
Юуны өмнө азтан болж автомашин хожсонд баяр хүргэе?
Баярлалаа. Машин хожно гэж ерөөсөө бодсонгүй. Маш их баярлаж байна. Манай хүү интернетээр үзчихээд та машин хожсон байна гэхээр нь эхлээд итгээгүй. Тоглож байна гэж бодсон чинь үнэн байна. Аз гэж байдаг юм байна. /Мэгшин уйлав/. Эгч нь баярласан сэтгэлээ дарж чадахгүй байна. Үнэхээр их баярлаж байна.
Та үзэсгэлэнг ямар зорилгоор үзсэн бэ?
Манай гэр бүл хашаандаа нилээд том байшин барьж байгаа. Одоо байшингийнхаа дээвэр, дотор засал, хаалга цонх, цахилгаан зэрэг олон зүйлийг хийх дутуу байгаа. Байшин барих материал хайж үзэсгэлэнг үзсэн. Сайхан үзэсгэлэн болж байна лээ.
Та үзэсгэлэнгээс хайсан зүйлээ олсон уу?
Чанартай сайн материалууд зөндөө л байна лээ. Даан ч бидэнд үнэтэйтээд байсан л даа. Юмханаар юм хийж байдаг бидэнд арай хямд хятадын материал авч хийх нь зардал багатай тусч байгаа. Герман цонх гэхэд 1 м2 нь 200,000 гэж байхад Хятадынх нь 70,000 төгрөг байх жишээтэй. Үнэтэй материалыг нь авч хүчрэхгүй юм.
Та ямар ажил хийдэг вэ?
Эгч нь ажилгүй. Гэртээ ачаа харж хүүхдүүддээ нэмэр болж байна. Сүүлийн 20 гаруй жил ажил хийсэнгүй. 5 хүүх дээ өсгөж, хүмүүжүүлж, ар гэрийн ажлыг амжуулж ирлээ. Биеийн байдал ч бас сайнгүй байлаа. Миний хүүхдүүд одоо ч том болцгоосон. Тэд маань өвгөн бид 2-т их нэмэр болж байна даа. Нэг үеэ бодвол амьдрал арай гайгүй болж байнаа.
Танайх машинтай юу?. Та машин барьдаг уу?
Манайх машингүй ээ. Би ч жолооч биш. Манай нөхөр жолооч. Нөхөр маань 5 жилийн өмнө жолооны курс төгсөөд машин бариагүй. Одоо л машинтай болж машин барих нь дээ.
Та манай уншигчдад хандаж юу гэж хэлмээр байна.
Аз гэж байдаг юм байна. Сугалаа нь үнэхээр шударга юм байна. Манай гэр бүлийг баярлуулсан сайхан үйл явдал боллоо. Энэ их буяныг дааж, буянтай үйлс хийх болно. Та бүхний ажилд амжилт хүсье. Үнэхээр их баярлалаа.