Шинэ орон сууц, амины орон сууцны төсөл хөтөлбөр хэрэгжүүлэгчид, барилгын материал үйлдвэрлэгч, ханган нийлүүлэгчид болон дэвшилтэт техник технологи нэвтрүүлэгч бүхий 500 гаруй аж ахуй нэгжүүд, Хятад, Солонгос, Герман, Польш, Итали, Турк, Орос, Япон зэрэг 30 орчим улс орны барилгын материал үйлдвэрлэгч, импортлогч, дэвшилтэт техник технологи нэвтрүүлэгчид гурван өдрийн турш нэгэн цагт, нэгэн дээвэр дор 32000 гаруй үзэгч хэрэглэгчдэд бүтээгдэхүүн үйлчилгээгээ танилцуулан амжилттай болж өндөрлөлөө. 

Уламжлал ёсоор шилдэг аж ахуй нэгж байгууллагуудыг шалгаруулсан бөгөөд шагнал гардуулах ёслолд Барилгын хөгжлийн төвийн Барилга, барилгын материалын хэлтсийн дарга Д. Батням, BARILGA EXPO 2024 олон улсын барилгын үзэсгэлэн яармагийн зохион байгуулах хорооны дарга Г.Батсүх, Монголын Барилгын Инженерүүдийн Холбооны ерөнхийлөгч Б.Гантулга нар шилдгүүдийн баярыг хуваалцан шагналыг гардуулсан юм. 

ШИЛДЭГ ҮЙЛДВЭРЛЭГЧЭЭР МОНГОЛЫН АЛТ ХХК 

“Монголын Алт”(МАК) ХХК нь 1993 онд байгуулагдсан, үндэсний хөрөнгө оруулалттай, Монгол улсын тэргүүлэх компани юм. МАК Евро Виндоор үйлдвэр нь 2019 оноос хойш CHUCO, WEINIG, ELUMATEC, LISEC, FRATELLI PEZZA зэрэг дэлхийд танигдсан Европ брэндийн бүрэн болон хагас автомат тоног төхөөрөмж, түүхий эдийг ашиглан олон улсын стандартад нийцсэн өндөр чанартай цонх, хаалга үйлдвэрлэж байна. “Super Insulation SI+” дулаан тусгаарлах технологи бүхий МАК Евро Виндоор брэндийн цонх, хаалга нь дулаан тусгаарлах чадвар 4-5 дахин өндөр тул барилгын халаалт, хөргүүрийн эрчим хүчний хэрэглээг ихээхэн бууруулж, бодит хэмнэлт бий болгодог. 

ШИЛДЭГ ХАНГАН НИЙЛҮҮЛЭГЧЭЭР НОМИН МИШЭЭЛ ХХК

Тус компани нь барилгын салбартаа хамгийн том дотор заслын материалыг импортлогч, ханган нийлүүлэгч бөгөөд барилга, үл хөдлөх хөрөнгийн салбарын томоохон төлөөлөл болж, барилгын материалыг бүгдийг нэгэн дээвэр дор нэгтгэсэн дэлхийн жишигт нийцсэн дэлгүүр юм. Дэлхийн 50 гаруй брэндийн албан ёсны дистрьбютер эрхтэйгээр ажиллаж байгаа бөгөөд 15,000 орчим нэр төрлийн бараа материалыг нэг дор бүрдүүлж барилгын салбарын худалдааг хөгжүүлэхэд хувь нэмрээ оруулан ажиллаж байна.  

ШИЛДЭГ ДЭВШИЛТЭТ ТЕХНОЛОГИ НЭВТРҮҮЛЭГЧЭЭР АТМОР ХХК

2003 оноос хойш төвийн шугамд холбогдоогүй айл өрх, албан байгууллагын инженерингийн шийдэл болох  халаалт агаар сэлгэлт, ус хангамж ариутгах татуурга чиглэлээр салбартаа анхдагч бөгөөд тэргүүлэгч байгууллага юм. Аймгийн дэд бүтцээс амины орон сууц хүртэл бүх төрлийн төслийг амжилттай гүйцэтгэсэн олон туршлага байгаа бөгөөд ашиглалт, үйлчилгээгээ орхигдуулахгүй байнгын сайжруулалт хийдэг. Салбартаа хувь нэмэр оруулж хэрэгжүүлж буй төслүүддээ байнгын шинэ технологи нэтврүүлж буй компани юм. 

ШИЛДЭГ БҮТЭЭГДЭХҮҮН НАРТЫН ГОЛОМТ ХХК 

Тус компани нь 2012 онд  байгуулагдсан бөгөөд  барилгын гол түүхий эд болох ган хэвлэмэл радиатор, сантехникийн PVC, PPR хоолой, холбох хэрэгслүүд болон бусад шаардлагатай материал, цахилгаан халаалтын зуух, шалны халаалт, хэрэглээний халуун усны бойлор гэх мэт барилгын материалуудыг европын холбооны улсаас импортоор оруулж ирж худалдаалж байна. 

ШИЛДЭГ ТӨСЛӨӨР Фүжи Девелопмент ХХК "Хан-Уул цогцолбор хотхон"

Хан-Уул дүүргийн 2 дугаар хорооны нутаг дэвсгэрийн төв зам дагуух 4 зүгийн огтлолцолд, туршлагатай архитектурын өвөрмөц шийдэлд үндэслэн, Европ стандартын дагуу баригдаж буй хүний тав тухтай амьдрал, бүхий л хэрэгцээг нэг дор багтаан сүндэрлэн босож буй 588 айлын орон сууц, үйлчилгээний хотхон юм. Хотын төвөөс ердөө 2,5 км зайтай байрлах, утаагүй, бизнесийн болон үл хөдлөх хөрөнгийн үнэлгээний А бүсэд оршиж байгаа, мөн Улаанбаатар хотыг хөгжүүлэх ерөнхий төлөвлөгөөнд тусгагдсан, Нийслэлийн Засаг даргын тамгын газартай хамтран хэрэгжүүлж байгаа дахин төлөвлөлтийн жишиг томоохон төсөл юм.

ШИЛДЭГ ТӨСӨЛ ХЭРЭГЖҮҮЛЭГЧЭЭР UB GROUP 

UB group нь бизнесийн гараагаа анх 20 ажилтантайгаар эхлүүлж байсан бол өдгөө бид 500 орчим ажилтан, албан хаагчидтайгаар салбар бүртээ амжилт гарган ажиллаж байна. Энэ удаагийн Barilga expo 2024 олон улсын үзэсгэлэнд VISION BUSINESS TOWER, CENTRAL PARK  төсөл , IPARK   зэрэг 3 төслөө танилцуулан оролцож байна.  Тус группийн онцлох төсөл болох Vision Business tower нь 25 давхар, өндөр зэрэглэлийн оффис, үйлчилгээний цогцолбор барилга бөгөөд дулаан алдагдал багатай өндөр технологи бүхий шилэн фасадтай барилга юм. 

ҮНЭ ЦЭНТЭЙ ОРОЛЦОГЧООР ACTIVE GARDEN ХХК 

ACTIVE GARDEN ХХК нь Barilga expo олон улсын барилгын үзэсгэлэн яармагтай тогтвортой хамтран ажиллаж, тус үзэсгэлэнг амжилттай, үр дүнтэй болоход ихээхэн нөлөөлж, идэвхтэй маркетинг, идэвхжүүлэлт нь томоохон дэмжлэг үзүүлж байгаа бөгөөд Barilga expo 2024 үзэсгэлэн яармагийн үнэ цэнтэй оролцогчоор тодруулж байна. 

Энэ удаагийн үзэсгэлэнд Туул голын хөвөөн дэх эрүүл, идэвхтэй амьдралын хэв маягийг эрхэмлэсэн бизнес зэрэглэлийн 856 айлын орон сууц болох Аctive Garden Residence төслөө танилцуулж байна. Тус компани нь захиалагчдадаа илүү их боломжийг нээн өгч Хаан банктай ногоон зээлээр хамтран ажиллах санамж бичиг байгуулан барилгын салбарт хөнгөлттэй нөхцөл бүхий Ногоон зээлийг анхлан нэвтрүүлж урт хугацаатай, хөнгөлөлттэй нөхцөлөөр орон сууц худалдан авах боломжийг бүрдүүлээд байна онцлог юм.

“BARILGA EXPO 2024” олон улсын барилгын үзэсгэлэн яармагийн бүх шилдгүүддээ баяр хүргэж, бизнесийн туршлага солилцсон бүх зочиддоо талархал илэрхийлье! 

Ерөнхий зохион байгуулагч:

БАРИЛГА МН 

Хамтран зохион байгуулагч: 

БАРИЛГА, ХОТ БАЙГУУЛАЛТЫН ЯАМ 

БАРИЛГЫН ХӨГЖЛИЙН ТӨВ

ИТАЛИ УЛСЫН ЭЛЧИН САЙДЫН ЯАМ

Ерөнхий ивээн тэтгэгч: 

ACTIVE GARDEN RESIDENCE,

ВЕРТЕКС ТОВЕР ХХК - MAXWELL RESIDENCE

UB GROUP ХХК - VISION BUSINESS TOWER, CENTRAL PARK  төсөл , IPARK төсөл

Ивээн тэтгэгч: 

DSP MONGOLIA ХХК

Дэмжигч байгууллагууд: 

МОНГОЛЫН БАРИЛГЫН ИНЖЕНЕРҮҮДИЙН ХОЛБОО 

МОНГОЛЫН БАРИЛГЫН ҮНДЭСНИЙ АССОЦИАЦИ

МОНГОЛЫН БАРИЛГЫН МАТЕРИАЛ ҮЙЛДВЭРЛЭГЧДИЙН ХОЛБОО

МОНГОЛЫН БАРИЛГЫН ЗУРАГ ТӨСӨЛ ЗОХИОГЧДЫН ХОЛБОО 

МОНЦЕМЕНТ БИЛДИНГ МАТЕРИАЛС ХХК,

ГОЛДЕН ВОЛЛ ХХК,

ТИТЭМ ХААЛГА ХХК,

БУЛЬДОРС МОН ХХК

ЖЭЙ ЖЭЙ БИ ХХК,